2024 جىلدىڭ 29 جەلتوقسانىندا وڭتۇستىك كورەيانىڭ مۋان اۋەجايىندا اپاتقا ۇشىراعان Jeju Air اۋە كومپانياسىنا تيەسىلى ۇشاقتىڭ كابيناسىنداعى بورتتىق جازبا قۇرىلعىسىنداعى دەرەكتەر الىندى. وندا ۇشقىشتاردىڭ سوزدەرى جازىلعان، دەپ جازادى Dalanews.kz.
وڭتۇستىك كورەيانىڭ كولىك مينيسترلىگى ازاماتتىق اۆياسيا دەپارتامەنتىنىڭ ديرەكتورى چجۋ چجون ۆاننىڭ ايتۋىنشا، ءقازىر ماماندار "قارا جاشىكتەن" الىنعان دەرەكتەردى دىبىستىق فايلدارعا توپتاستىرۋدا، دەپ جازادى The Hankyoreh.
"ۇشقىشتار كابيناسىندا ايتىلعان سوزدەر جازىلعان اۋديو تىركەۋ قۇرىلعىسىنداعى دەرەكتەر الىنىپ بولدى. بۇگىن ولاردى دىبىستىق فايلدارعا توپتاستىرۋ جۇمىستارى باستالدى"، - دەدى ول.
چجۋ چجون ۆان بۇل جۇمىستى مۇمكىندىگىنشە تەز جۇرگىزۋگە تىرىساتىندارىن ايتتى.
ۇشۋ دەرەكتەرىنىڭ بورتتىق جازباسى - ەكىنشى "قارا جاشىككە" سىرتتاي ءبىراز زاقىم كەلگەنى ناقتىلانادى. بۇل ونداعى دەرەكتەردى وڭدەۋگە شامامەن ءبىر ايعا دەيىن ۋاقىت كەتۋى مۇمكىن ەكەنىن بىلدىرەدى.
ايتا كەتسەك، 2024 جىلدىڭ 29 جەلتوقسانىندا وڭتۇستىك كورەياداعى مۋانا حالىقارالىق اۋەجايىندا Boeing 737 جولاۋشىلار ۇشاعى اپاتقا ۇشىرادى. تايلاندتان ورالعان ۇشاقتا بارلىعى 181 ادام بولدى، ونىڭ ىشىندە التى ەكيپاج مۇشەسى دە بار. كەيىنىرەك ەكى ادامنىڭ (جولاۋشى مەن بورتسەرىك) امان قالعانى بەلگىلى بولدى. قازاقستان ءسىم اپاتقا ۇشىراعان بۇل ۇشاقتا قازاقستاندىقتاردىڭ بولماعانىن ناقتىلادى.
