قازاقستان 2026 جىلدىڭ سوڭىنا دەيٸن وڭتٷستٸك كورەياعا 18 ميلليون باررەل مۇناي جەتكٸزەدٸ. بۇل تۋرالى وڭتٷستٸك كورەيا پرەزيدەنتٸ ەكٸمشٸلٸگٸنٸڭ باسشىسى كان حۋن سيك مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, سەۋل 2026 جىلدىڭ سوڭىنا دەيٸن جالپى كٶلەمٸ 273 ميلليون باررەل شيكٸ مۇناي مەن 2,1 ميلليون توننا نافتا جەتكٸزۋ جٶنٸندە كەلٸسٸمدەر جاساعان. ونىڭ ٸشٸندە 18 ميلليون باررەلٸ قازاقستاننان ەكسپورتتالادى.
وڭتٷستٸك كورەيا تاراپى قازاقستاندى سەنٸمدٸ بالاما مۇناي جەتكٸزۋشٸ رەتٸندە باعالاپ وتىر. بۇعان ەلٸمٸزدەن ەكسپورتتالاتىن مۇنايدىڭ تاياۋ شىعىستاعى تۇراقسىزدىققا بايلانىستى تەۋەكەلٸ جوعارى ورمۋز بۇعازى ارقىلى تاسىمالدانبايتىنى سەبەپ بولعان.
سونداي-اق كان حۋن سيك قازاقستانعا ساپارى بارىسىندا لي چجە ميوننٸڭ جەكە حاتىن مەملەكەت باسشىسى قاسىم-جومارت توقاەۆقا تابىستاعانىن ايتتى. حاتتا ەكٸ ەل اراسىنداعى ەنەرگەتيكالىق ىنتىماقتاستىقتى ودان ەرٸ نىعايتۋعا نيەت بٸلدٸرگەن.
سەۋل بيلٸگٸ اتالعان كەلٸسٸمدەر ٸشكٸ ەنەرگييا رەسۋرستارى نارىعىن تۇراقتاندىرۋعا ىقپال ەتەدٸ دەپ ەسەپتەيدٸ. رەسمي مەلٸمەتكە سەيكەس, كەلٸسٸلگەن مۇناي كٶلەمٸ ەل ەكونوميكاسىن قالىپتى رەجيمدە ٷش ايدان استام ۋاقىت قامتاماسىز ەتۋگە جەتەدٸ.
تاياۋ شىعىستاعى گەوساياسي احۋالدىڭ شيەلەنٸسۋٸ اياسىندا وڭتٷستٸك كورەيا بالاما جەتكٸزۋشٸلەر مەن جاڭا باعىتتاردى ٸزدەۋدٸ كٷشەيتكەن. وسى تۇرعىدا قازاقستان سەۋلدٸڭ ەنەرگەتيكالىق قاۋٸپسٸزدٸگٸن قامتاماسىز ەتۋدەگٸ ماڭىزدى سەرٸكتەستەردٸڭ بٸرٸنە اينالىپ وتىر.
