استانادا كٶپتەن كٷتكەن LRT جٷيەسٸ وسى اپتادا ٸسكە قوسىلۋى مٷمكٸن. بۇل تۋرالى City Transportation Systems (CTS) كٶلٸك كەشەنٸنٸڭ باسشىسى اسىلبەك دٷيسەباەۆ مەلٸمدەدٸ, دەپ حابارلايدى dalanews.kz.
ونىڭ ايتۋىنشا, جاڭا جەڭٸل رەلستٸ كٶلٸك زاماناۋي تالاپتارعا ساي جابدىقتالعان. ەر ۆاگوننىڭ ۇزىندىعى 60 مەتردٸ قۇرايدى جەنە 600-دەن استام جولاۋشىنى تاسىمالداۋعا مٷمكٸندٸك بەرەدٸ. LRT پويىزدارىنىڭ ەڭ جوعارى جىلدامدىعى ساعاتىنا 80 شاقىرىم بولسا, قالا ٸشٸندەگٸ ورتاشا قوزعالىس جىلدامدىعى ساعاتىنا 50–60 شاقىرىم شاماسىندا بولادى.
"ستانتسييالار اراسىنداعى كٷتۋ ۋاقىتى – 5-6 مينۋت. جالپى ۇزىندىعى 22 شاقىرىم بولاتىن باعىتتى شامامەن 40 مينۋتتا جٷرٸپ ٶتۋگە بولادى. LRT جٷرگٸزۋشٸسٸز قوزعالادى. ۆاگون ٸشٸندە تەك وپەراتورلار بولادى", – دەدٸ دٷيسەباەۆ.
سونداي-اق CTS باسشىسى الداعى ۋاقىتتا LRT جولاقىسىن اۆتوبۋس كارتالارى ارقىلى تٶلەۋ مٷمكٸندٸگٸ دە ەنگٸزٸلەتٸنٸن ايتتى.
