Astanada kópten kútken LRT júiesi osy aptada iske qosylýy múmkin. Bul týraly City Transportation Systems (CTS) kólik kesheniniń basshysy Asylbek Dúisebaev málimdedi, dep habarlaidy dalanews.kz.
Onyń aitýynsha, jańa jeńil relsti kólik zamanaýi talaptarǵa sai jabdyqtalǵan. Ár vagonnyń uzyndyǵy 60 metrdi quraidy jáne 600-den astam jolaýshyny tasymaldaýǵa múmkindik beredi. LRT poiyzdarynyń eń joǵary jyldamdyǵy saǵatyna 80 shaqyrym bolsa, qala ishindegi ortasha qozǵalys jyldamdyǵy saǵatyna 50–60 shaqyrym shamasynda bolady.
"Stantsiialar arasyndaǵy kútý ýaqyty – 5-6 minýt. Jalpy uzyndyǵy 22 shaqyrym bolatyn baǵytty shamamen 40 minýtta júrip ótýge bolady. LRT júrgizýshisiz qozǵalady. Vagon ishinde tek operatorlar bolady", – dedi Dúisebaev.
Sondai-aq CTS basshysy aldaǵy ýaqytta LRT jolaqysyn avtobýs kartalary arqyly tóleý múmkindigi de engiziletinin aitty.
