Memleket basshysy Koreia Respýblikasy prezidentiniń mindetin atqarýshy Choi San Mokqa kóńil aitý jedelhatyn joldady, dep habarlaidy Dalanews.kz.
Qasym-Jomart Toqaev Mýan áýejaiynda bolǵan ushaq apatynyń saldarynan kóptegen adamnyń qaza tapqany týraly sýyt habardy tereń kúizelispen qabyldaǵanyn jetkizdi.
Prezident jaqyndarynan aiyrylǵan otbasylarǵa jáne barsha dostas korei halqyna kóńil aityp, apattan zardap shekken azamattardyń tezirek saýyǵyp ketýine tilektestik bildirdi.
Aita keteiik, 29 jeltoqsanda Jeju Air áýekompaniiasynyń ushaǵy ushý-qoný jolaǵynda ushpai, Mýan halyqaralyq áýejaiyna qonǵan kezde qorshaýǵa soǵylǵan edi. Áýe apaty tańǵy 9:07-de (Astana ýaqyty boiynsha 5:07) boldy.
Bangkoktan oralǵan Jeju Air áýekompaniiasynyń bortynda barlyǵy 181 adam boldy, onyń ishinde alty ekipaj múshesi bar. Jolaýshylardyń kópshiligi Koreia azamattary boldy. Tailandtyń eki azamaty bar.
Jergilikti BAQ-tyń málimetterine súiensek, Mýan qalasynyń áýejaiyna qonǵan kezde apatqa ushyraǵan ushaq qustarmen soqtyǵysqan bolýy múmkin.
