QR Prezidentiniń keńesshisi – Baspasóz hatshysy Berik Ýáli Memleket basshysy Qasym-Jomart Toqaev Jańa jyldy qalai qarsy alatynyn aitty, - dep habarlaidy Dalanews.kz Tengrinews.kz-ke siltep.
Prezidenttiń Jańa jylǵa qandai jospary bar? Memleket basshysy atalǵan meiramdy ádette qalai qarsy alady? Qańtar aiynyń alǵashqy kúnderi demalysqa nemese saparǵa shyǵýdy oilastyryp otyrǵan joq pa?
"Memleket basshysy Jańa jyldy elimizdiń milliondaǵan azamattary sekildi óz shańyraǵynda, týystarymen birgemerekelik dastarqan basynda qarsy alady. Prezidenttiń Jańa jylda shetelge shyǵý nemese demalý týraly jospary joq", - dedi Berik Ýáli Tengrinews.kz tilshisiniń suraǵyna.
Berik Ýáli Qasym-Jomart Kemelulynyń demalysqa ýaqyty tapshy ekenin, Prezident mereke kúnderi de jumys istep, qujattar qaraitynyn atap ótti.
Aita keteiik, Memleket basshysy Qasym-Jomart Toqaevtyń "Ana tili" gazetinde keń kólemdi suhbaty jaryq kóredi.
Suhbat 2025 jyldyń 3 qańtarda jariialanady.
Prezident suhbatta ishki jáne syrtqy saiasattaǵy basty oqiǵalarǵa baǵasyn beredi.
Sondai-aq eldiń biylǵy saiasi jáne áleýmettik-ekonomikalyq turǵydan damýyn qorytyndylap, aldaǵy kezeńge arnalǵan basym mindetterdi aiqyndaidy.
