"Qazaqstan OPEK + bekitken munai óndirisi boiynsha kvotany saqtamai, ony júieli túrde buzyp keledi. Bul jaǵymsyz jait kelesi jyly Teńizdegi óndiris kóleminiń ulǵaiýy aiasynda asqyna túsýi múmkin". Osylai degen ekonomist Ǵalymjan Aitqazin jaǵdaidyń tym qiyn ekenin aitady, dep habarlaidy Dalanews.kz.
"Qazaqstan qazan aiynda munai óndirisin táýligine 1,29 mln barrelge (qyrkúiekte - 290 myń barrel) deiin aitarlyqtai tómendetti, alaida jalpy óndiris kólemi OPEK+ bekitken kvotadan 87 myń barrelge joǵary boldy" , dep jazady Bloomberg. Onyń ústine Qazaqstan maqsatty óndiris kólemin ár ai saiyn jyl boiyna artyq óndirilgen kólemdi óteý úshin azaitýmen keledi.
Bloomberg-tiń esepteýi boiynsha, Qazaqstanda jalpy artyq óndirilgen munai kólemi aǵymdaǵy jyldyń alǵashqy 10 aiynda 1,11 mln barrelden asty. Onyń ústine, kelesi jyly Teńizdegi keńeitý jobasynyń arqasynda óndiris kólemi táýligine 260 myń barrelge arttyrýdyń kózdelip otyrýymen jaǵdai odan saiyn kúrdelene túsedi, iaǵni 2025 jyldyń II-toqsanynda.
"Shynynda da, bul jobaǵa shamamen 50 mlrd dollar investitsiia salǵan Úkimet pen sheteldik investorlar munai óndirisin ulǵaitýǵa nietti. Sonymen qatar, biz áleýmettik ekonomikalyq damý boljamynda da, biýdjet tsifrlarynan da osy ulǵaitylǵan óndiristen túsetin kirister eseptelip qoiǵanyn kórip otyrmyz. Biraq Bloomberg durys atap kórsetkendei, mundai jaǵdaida Qazaqstandy OPEK+ -tiń basqa músheleri aldynda ózin shielenisti yńǵaisyz jaǵdaiǵa qaldyrmaq. Bizdiń oiymyzsha, bul Qazaqstan ekonomikasy men munai óndirisi boiynsha boljamdar úshin eleýli táýekel faktory bolyp tabylady, aitqandai, biylǵy biýdjet tapshylyǵy máselesinde qylań bergendei. Úkimet Teńizdegi munai óndirisi boiynsha ýaqyttyń keiinge shegeriletinin, OPEK+ aldyndaǵy mindettemeleri týraly bilip otyrsa da, munai óndirisiniń neǵurlym joǵary kórsetkishine úmit artyp, tiisinshe biýdjetke kóbirek dividend túsedi dep ásire esep jasaǵanyn taǵy da eske salamyz", dep jazady Ǵalymjan Aitqazin Telegram-daǵy paraqshasynda.
Aita ketsek, OPEK+ elderi munai óndirýdi shekteý týraly kelisimdi buzǵan elderge óz narazylyqtaryn bildirgen. Atap aitqanda, Irak pen Qazaqstanǵa. Degenmen 2 qazanda ótken OPEK+ otyrysynda Irak Respýblikasy, Qazaqstan Respýblikasy jáne Resei Federatsiiasy qyrkúiek aiynda usynylǵan ótemaqy josparlaryna sáikes óz mindettemelerin tolyǵymen oryndaǵandaryn rastady.
