Batys Qazaqstan oblysynda qaitarylǵan aktivterdiń esebinen áleýmettik nysandar salynyp jatyr, dep habarlaidy Dalanews.kz.
Batys Qazaqstan oblysynda qaitarylǵan aktivter qarajaty esebinen 27 nysannyń qurylysy júrip jatyr. Onyń ishinde 15 joba tolyq aiaqtalǵan, taǵy 10 nysan jyl sońyna deiin paidalanýǵa berilmek. Qalǵan eki jobany 2026 jyly aiaqtaý josparlanǵan. Jalpy, bul maqsatqa Arnaýly memlekettik qordan 17,7 mlrd teńge bólindi.
Aýyz sý jáne meditsina salasyna basymdyq berildi
27 jobanyń 11-i aýyz sýmen qamtý baǵytyndaǵy nysandar. Olardyń iske qosylýy aýyldyq eldi mekenderdi sapaly aýyz sýmen qamtýdy arttyryp, turǵyndardyń turmys sapasyn jaqsartýǵa múmkindik beredi.
Sonymen qatar 16 joba aýyldyq jerlerde alǵashqy meditsinalyq kómekti damytýǵa baǵyttalǵan. Atap aitqanda, Syrym, Aqjaiyq, Bórli, Jańaqala jáne Báiterek aýdandarynda feldsherlik-akýsherlik pýnktter, dárigerlik ambýlatoriialar men meditsinalyq pýnktter salynyp jatyr.
