Jambyl oblysynda shopan sirek kezdesetin qar barysyn videoǵa túsirip alǵan. Erekshe kadrlar áleýmettik jelide tarady, dep habarlaidy Dalanews.kz.
Video «Merke» ulttyq parkiniń Instagram-paraqshasynda jariialandy. Kadrlarda qar barysy baiaý qozǵalyp, taýdyń eteginen joǵary órlep bara jatqany kórinedi.
«Áýesqoi túsirilim kezinde kadrǵa sirek kezdesetin qar barysy túsip qaldy»,- delingen jazbada.
Ulttyq park ókilderiniń aitýynsha, video 6 qarasha kúni túsirilgen. Kadrdy Merke aýdanyndaǵy jergilikti turǵyn túsirgen. Ol orman bileti arqyly mal jaiýǵa ruqsat alǵan eken.
Mamandardyń aitýynsha, jyrtqyshqa jaqyn júrý óte qaýipti, tipti qysqa qashyqtyqtyń ózi qaýip tóndirýi múmkin.
Qazaqstanda qar barysyn kórý - úlken sáttilik ári sirek jaǵdai. Orman sharýashylyǵy jáne janýarlar dúniesi komitetiniń málimetinshe, elimizde 152-den 189-ǵa deiin Qyzyl kitapqa engen qar barysy bar.
