Qazaqstan et ónimderine kedendik baj salyǵyn azaitýdy qoldamady. Bul týraly premer-ministrdiń orynbasary – ulttyq ekonomika ministri Serik Jumanǵarin málimdedi, dep habarlaidy Dalanews.kz.
Reseidiń usynysy
Resei tarapy EAEO-nyń Biryńǵai kedendik tarifi aiasynda iri qara mal etine salynatyn importtyq baj salyǵyn 50%-dan 27,5%-ǵa deiin tómendetýdi, sondai-aq tariftik kvotany 570 myń tonnadan 130 myń tonnaǵa deiin azaitýdy usynǵan. Bul týraly Jumanǵarin Májilis depýtattarynyń saýalyna bergen jaýabynda aitty.
Qazaqstannyń ustanymy
Ministrdiń aitýynsha, sheshim otandyq mal sharýashylyǵy óndirýshileriniń múddesin eskere otyryp qabyldanǵan. Sebebi fermerler baj salyǵy tómendese, satyp alý baǵasy tómendep, tabys azaiady dep alańdaǵan.
Nátije
Másele Eýraziialyq ekonomikalyq komissiia otyrystarynda talqylanyp, tariftik jeńildikter berý orynsyz dep tanyldy.
