Premer-Ministr Oljas Bektenov Memleket basshysy qoiǵan halyqaralyq aviatsiialyq hab qurý jónindegi mindetter aiasynda Astana qalasynyń halyqaralyq áýejaiyn damytý máseleleri boiynsha keńes ótkizdi, dep habarlaidy Dalanews.kz QR Úkimetiniń baspasóz qyzmetine silteme jasap.
Jiyn barysynda Premer-ministrge Astana áýejaiynyń ushý-qoný jolaǵyn josparly jóndeý merziminiń aiaqtalǵany týraly baiandaldy. Júrgizilgen jumystar infraqurylymnyń senimdiligi men ushý qaýipsizdigin arttyrýǵa baǵyttalǵan. Astana qalasynyń ákimi Jeńis Qasymbek áýe ailaǵynyń materialdyq-tehnikalyq bazasyn odan ári rekonstrýktsiialaý jáne nyǵaitý josparlary týraly habardar etti.
Jobada jańa ushý-qoný jolaǵyn salý, perrondar men terminaldardy jóndeý, tehnikalyq quraldardy jańartý syndy taǵy da basqa jumystar qarastyrylǵan. Odan bólek, logistikalyq keshender, qoimalar, qonaqúiler, keńseler jáne ákimshilik ǵimarattardy qosa alǵanda infraqurylymdy damytý josparlanyp otyr. Búgingi tańda áýejai jylyna 9 mln-ǵa jýyq jolaýshyǵa qyzmet kórsetedi. Jobany júzege asyrý taiaýdaǵy birneshe jylda bul kórsetkishti orta eseppen 12 mln jolaýshyǵa deiin arttyrýǵa múmkindik beredi.
Jiynǵa qatysýshylar áýejaidy odan ári damytý úshin investorlar tartý máselesin talqylady. Iri halyqaralyq korporatsiialar tarapynan qyzyǵýshylyq bary atap ótildi.
Keńes qorytyndysynda Premer-ministr Kólik ministrligi men Astana qalasynyń ákimdigine elordanyń aviatsiialyq áleýetin damytýǵa baǵyttalǵan jobany júzege asyrý máselesin baqylaýda ustaýdy tapsyrdy.
