Talǵar ákimi men orynbasary kóshelerdi der kezinde tazalamaǵany úshin aiyppul tóledi, dep habarlaidy Dalanews.kz.
Zakon.kz málimetinshe, qys mezgilindegi joldardyń nashar bolýyna bailanysty Talǵar qalasynyń ákimi Arystanbek Ábilhaiyruly men onyń orynbasary ákimshilik jaýapkershilikke tartyldy.
Politsiia málimetinshe, qala kóshelerindegi qar men muz ýaqytyly tazalanbaǵan, sonyń saldarynan jol-kólik oqiǵalary men jaraqattar sany artqan.
Ákim men onyń orynbasaryna QR Ákimshilik quqyq buzýshylyq týraly kodekstiń 631-baby boiynsha hattama toltyrylyp, 10 AEK (39 320 teńge) kóleminde aiyppul salyndy.
Aita keteiik, Talǵar ákimi Arystanbek Ábilqaiyruly halyqpen tildesýdiń jańa formatyna kóship, "tiktoker ákim" atanǵan bolatyn.
Qala basshysy "akim_goroda_talgar" ataýymen jelidegi paraqshasyn belsendi júrgizedi. TikTok jelisinde 30 myńǵa jýyq oqyrman jinaǵan, al videolarynyń qaralymy birneshe júz myńnan asyp ketedi. Arystanbek Ábilqaiyruly jelide turǵyndardyń suraqtaryna jaýap berip, tipti bir azamatty úiine izdep kelgen.
Qala turǵyndarynyń biri ózi turatyn kóshe las ekenin aityp shaǵymdanǵan. "Levitana kóshesin kórshi, qandai las?!" degen turǵynnyń suraǵyna ákim bylai jaýap qatqan:
"Mars, kele jatyrmyn, qarsy al. Úidesiń be? Shyq. Qazir Levitana kóshesine kelemiz. Bes minýtta bolamyn", - deidi ákim videoda.
Ákimdi qonaqqa shaqyrǵan talǵarlyq úiinde joq bolyp shyqty, ol ákimniń videosyna "men jumystamyn ǵoi" dep jazyp jibergen.
