AQSh-tan jetken taǵy bir jaǵymdy málimet. Transulttyq telekommýnikatsiialyq kompaniia VEON málimeti boiynsha qazaqstandyq bailanys operatory men Starlink Direct to Cell kelisimge qol qoidy. Joba Qazaqstan Respýblikasynyń búkil aýmaǵyn, sonyń ishinde mobildi bailanys jetpegen shalǵai óńirlerdi de spýtniktik bailanyspen qamtamasyz etýge baǵyttalǵan. Bul týraly Jasandy intellekt jáne tsifrlyq damý ministrliginde málimdedi, dep habarlaidy Dalanews.kz.
Qol qoiylǵan kommertsiialyq kelisim aiasynda taraptar 2026 jyly SMS habarlamalar almasý qyzmetin iske qosýdy, keiin mobildi internetke qosylýdy josparlap otyr.
«Uialy bailanys joq jerde, biraq tikelei spýtnikpen qosylý múmkindigi bar aimaqta modemder men qosymsha qurylǵylarsyz telefonnan habarlama jiberý múmkindigi – azamattarymyzdyń qaýipsizdigi máselesin sheship alady», – dep pikir bildirdi Jaslan Madiev, Premer-Ministrdiń orynbasary ári jasandy intellekt jáne tsifrlyq damý ministri.
