Túrkistan oblysynyń mamandandyrylǵan tabiǵat qorǵaý prokýratýrasy jer qoinaýyn zańsyz paidalanýdy anyqtaý jáne jolyn kesý maqsatynda reidtik is-shara ótkizdi, dep habarlaidy Dalanews.kz.
Vedomstvonyń habarlaýynsha, ushqyshsyz ushý apparatynyń kómegimen Saýran aýdany aýmaǵyndaǵy Qursai ózeniniń boiynda qum men qiyrshyq tas qospasyn (PQQ) zańsyz óndirý faktisi anyqtalǵan. Bul áreket jer qoinaýynyń tabiǵi tutastyǵyn buzǵan.
Prokýratýra ókilderi atap ótkendei, PQQ-ny zańsyz óndirý turǵyndar tarapynan jii shaǵym týdyryp, óńirdiń ekologiialyq jaǵdaiyna jáne qoǵamdyq-saiasi turaqtylyǵyna keri áser etýde.
Tekserý qorytyndysy boiynsha Shaǵa aýyldyq okrýginiń ákimi tártip buzǵany úshin qyzmetinen bosatyldy. Sonymen qatar aýdan ákiminiń orynbasary men birqatar politsiia qyzmetkerleri tártiptik jaýapkershilikke tartyldy.
Aita ketsek, buǵan deiin Shyǵys Qazaqstan oblysynyń Samar aýdanyndaǵy "Kenqaryn" ýchaskesinde altyndy zańsyz óndirý deregi de anyqtalǵan edi. Kúdiktiler eki jyl boiy litsenziiasyz jumys istep, ózenniń tabiǵi arnasyn óz betterinshe ózgertken. Tabiǵatqa keltirilgen zalal mólsheri 82 million teńgeden asqan.
