Batys Qazaqstan óńirinde tórt túlik mal basynyń sany turaqty artýda. Bul týraly OKQ-de bolǵan brifingte óńir basshysy Nariman Tóreǵaliev baian etti, – dep habarlaidy Dalanews.kz BQO ákiminiń baspasóz qyzmetine silteme jasap.
Batys Qazaqstan oblysyndaǵy basym baǵyttardyń biri – mal sharýashylyǵy. Batys Qazaqstan oblysynda mal sharýashylyǵyn damytýǵa jasalynǵan qoldaýlardyń nátijesinde tórt túlik mal basy ósip, ónim óndirý turaqty ulǵaiýda.
Óńirde óndiriletin aýyl sharýashylyǵy óniminiń 60% ata kásip – mal sharýashylyǵyna tiesili. Aǵymdaǵy jyly aýyl sharýashylyǵy salasyn qoldaýǵa 50 mlrd. teńge qarajat bólindi.
Tórt túlik mal basynyń sany turaqty artýda. Ústimizdegi jyly alynǵan tólmen birge usaq múiizdi mal basynyń sany 2 mln-ǵa jýyqtady, iri qara maly 1 mln., jylqy 350 myńnan asyp, túie 3 myń basqa jetti.
Biylǵy jyly oblys boiynsha barlyq aýyl sharýashylyǵy daqyldarynyń egis alqaby - 616 myń ga qurady. Búgingi tańda egin orý naýqany oblysta tolyq aiaqtalyp, 300 myń tonna astyq, 96 myń tonna maily daqyldar, 50 myń tonna kartop, 46 myń tonna kókónis jáne baqsha ónimderi jinaldy.
Mal sharýashylyǵyn odan ári damytý úshin óńir áleýetin tolyq paidalaný maqsatynda jaiylymdardy sýlandyrý baǵytynda uzyndyǵy 186 shaqyrymdy quraityn 3 magistral kanalyn qaita jańǵyrtý jáne 43 shaqyrym «Aznabai-Taipaq» jáne 95 shaqyrymdy quraityn «Jaiyq-Shalqar» kanalynyń jóndeý siiaqty iri jobalar júzege asýda.
Sol sekildi, Batys Qazaqstan oblysynda agroónerkásiptik keshende jańa jobalar júzege asyrylýda. «Aýyl amanaty» baǵdarlamasy aiasynda sońǵy eki jylda oblysta 7 mlrd. teńgeden astam qarjy bólinip, aýyldyq jerlerde 1,5 myńnan astam jańa jumys oryndary quryldy.
Nesiege qol jetkize almaityn, halyqtyń áleýmettik osal toptaryna biylǵy jyldan bastap taýarlyq nesie berý júzege asyrylýda. Ázirge 195 otbasyna taýarlyq nesie retinde 247 bas múiizdi iri qara, 474 bas usaq mal jáne 64 bas jylqy berildi. Jumystar jalǵasýda.
Aǵymdaǵy jyly óńirimizdiń eń iri kásiporny «Qarashyǵanaq» munai-gaz kompaniiasymen memorandýmǵa qol qoiylyp, baǵdarlama aiasynda kásip ashqan turǵyndardyń ónimderin kooperatsiialar arqyly KPO kompaniiasyna tikelei satý jumystary uiymdastyryldy.
Ónim óndirisi kólemin arttyrý jáne salanyń damýyna investitsiia tartý maqsatynda 2024-2026 jyldary agroónerkásip kesheni salasynda jalpy quny 120 mlrd. teńgeni quraityn, 870 jańa jumys ornyn quratyn 38 investitsiialyq joba josparlansa, sonyń ishinde biyl 19 joba aiaqtaldy. Nátijesinde óńirde óńdelgen aýyl sharýashylyǵy ónimderiniń úlesi Prezident tapsyrmasyna sáikes 2026 jyly 70% deńgeiine jetpek.
