باتىس قازاقستان وڭىرىندە ءتورت تۇلىك مال باسىنىڭ سانى تۇراقتى ارتۋدا. بۇل تۋرالى وكق-دە بولعان بريفينگتە ءوڭىر باسشىسى ناريمان تورەعالييەۆ بايان ەتتى، – دەپ حابارلايدى Dalanews.kz بقو اكىمىنىڭ باسپا ءسوز قىزمەتىنە سىلتەمە جاساپ.
باتىس قازاقستان وبلىسىنداعى باسىم باعىتتاردىڭ ءبىرى – مال شارۋاشىلىعى. باتىس قازاقستان وبلىسىندا مال شارۋاشىلىعىن دامىتۋعا جاسالىنعان قولداۋلاردىڭ ناتيجەسىندە ءتورت تۇلىك مال باسى ءوسىپ، ءونىم ءوندىرۋ تۇراقتى ۇلعايۋدا.
وڭىردە وندىرىلەتىن اۋىل شارۋاشىلىعى ءونىمىنىڭ 60% اتا كاسىپ – مال شارۋاشىلىعىنا تيەسىلى. اعىمداعى جىلى اۋىل شارۋاشىلىعى سالاسىن قولداۋعا 50 ملرد. تەڭگە قاراجات ءبولىندى.
ءتورت تۇلىك مال باسىنىڭ سانى تۇراقتى ارتۋدا. ۇستىمىزدەگى جىلى الىنعان تولمەن بىرگە ۇساق ءمۇيىزدى مال باسىنىڭ سانى 2 ملن-عا جۋىقتادى، ءىرى قارا مالى 1 ملن.، جىلقى 350 مىڭنان اسىپ، تۇيە 3 مىڭ باسقا جەتتى.
بيىلعى جىلى وبلىس بويىنشا بارلىق اۋىل شارۋاشىلىعى داقىلدارىنىڭ ەگىس القابى - 616 مىڭ گا قۇرادى. بۇگىنگى تاڭدا ەگىن ورۋ ناۋقانى وبلىستا تولىق اياقتالىپ، 300 مىڭ توننا استىق، 96 مىڭ توننا مايلى داقىلدار، 50 مىڭ توننا كارتوپ، 46 مىڭ توننا كوكونىس جانە باقشا ونىمدەرى جينالدى.
مال شارۋاشىلىعىن ودان ءارى دامىتۋ ءۇشىن ءوڭىر الەۋەتىن تولىق پايدالانۋ ماقساتىندا جايىلىمداردى سۋلاندىرۋ باعىتىندا ۇزىندىعى 186 شاقىرىمدى قۇرايتىن 3 ماگيسترال كانالىن قايتا جاڭعىرتۋ جانە 43 شاقىرىم «ازناباي-تايپاق» جانە 95 شاقىرىمدى قۇرايتىن «جايىق-شالقار» كانالىنىڭ جوندەۋ سياقتى ءىرى جوبالار جۇزەگە اسۋدا.
سول سەكىلدى، باتىس قازاقستان وبلىسىندا اگروونەركاسىپتىك كەشەندە جاڭا جوبالار جۇزەگە اسىرىلۋدا. «اۋىل اماناتى» باعدارلاماسى اياسىندا سوڭعى ەكى جىلدا وبلىستا 7 ملرد. تەڭگەدەن استام قارجى ءبولىنىپ، اۋىلدىق جەرلەردە 1،5 مىڭنان استام جاڭا جۇمىس ورىندارى قۇرىلدى.
نەسيەگە قول جەتكىزە المايتىن، حالىقتىڭ الەۋمەتتىك وسال توپتارىنا بيىلعى جىلدان باستاپ تاۋارلىق نەسيە بەرۋ جۇزەگە اسىرىلۋدا. ازىرگە 195 وتباسىنا تاۋارلىق نەسيە رەتىندە 247 باس ءمۇيىزدى ءىرى قارا، 474 باس ۇساق مال جانە 64 باس جىلقى بەرىلدى. جۇمىستار جالعاسۋدا.
اعىمداعى جىلى ءوڭىرىمىزدىڭ ەڭ ءىرى كاسىپورنى «قاراشىعاناق» مۇناي-گاز كومپانياسىمەن مەموراندۋمعا قول قويىلىپ، باعدارلاما اياسىندا كاسىپ اشقان تۇرعىنداردىڭ ونىمدەرىن كووپەراسيالار ارقىلى كپو كومپانياسىنا تىكەلەي ساتۋ جۇمىستارى ۇيىمداستىرىلدى.
ءونىم ءوندىرىسى كولەمىن ارتتىرۋ جانە سالانىڭ دامۋىنا ينۆەستيسيا تارتۋ ماقساتىندا 2024-2026 جىلدارى اگروونەركاسىپ كەشەنى سالاسىندا جالپى قۇنى 120 ملرد. تەڭگەنى قۇرايتىن، 870 جاڭا جۇمىس ورنىن قۇراتىن 38 ينۆەستيسيالىق جوبا جوسپارلانسا، سونىڭ ىشىندە بيىل 19 جوبا اياقتالدى. ناتيجەسىندە وڭىردە وڭدەلگەن اۋىل شارۋاشىلىعى ونىمدەرىنىڭ ۇلەسى پرەزيدەنت تاپسىرماسىنا سايكەس 2026 جىلى 70% دەڭگەيىنە جەتپەك.
