Aqtóbe turǵyny áriptesin qala syrtyna shyǵaryp, ony nesie rásimdeýge májbúrlep, tunshyqtyryp, jerge kómgeni úshin kináli dep tanyldy. Sot ony 20 jylǵa bas bostandyǵynan aiyrý týraly úkim shyǵardy, dep habarlaidy Dalanews.kz «Diapazon»-ǵa silteme jasap.
32 jastaǵy aiyptalýshy Aqtóbedegi zaýytta mashinist bolyp jumys istegen. Bir kúni ol áriptesiniń úiden shyqqanyn kútip, ony ańdyp, óz kóline otyrǵyzyp, qala syrtyna alyp ketken.
Istiń materialdaryna sáikes, aiyptalýshy kólikte áriptesin 7,7 mln teńge kóleminde nesie rásimdeýge májbúrlep, alynǵan aqshany tanysyna aýdarýǵa májbúrlegen. Al keiin tergeý anyqtaǵandai, ol qurbanyn shúberekpen tunshyqtyryp, denesin kólikte tasyp, Alǵa aýdanyna shyǵarǵan.
Aiyptaý qorytyndysyna sáikes, sol jerden aiyptalýshy tanysynan kómek surap, tanysy úiinen kúrek ákelgen. Nátijesinde aiyptalýshy qurbanynyń denesin jerleý úshin shuńqyr qazyp, ony kómgen.
Er adamǵa kisi óltirý jáne bopsalaý aiyby taǵylǵan. Sotta onyń kinási tolyq rastaldy. Sot aiyptalýshyny 20 jylǵa bas bostandyǵynan aiyrýǵa úkim shyǵardy.
Onyń tanysy qylmysty jasyrýda aiyptalyp, amnistiiany eskere otyryp, 3 jyl 2 aiǵa bas bostandyǵynan aiyryldy.
Sonymen qatar, kisi óltirý jáne bopsalaý úshin sottalǵan aiyptalýshyny qaza bolǵannyń týystaryna moraldyq ziian retinde 10 mln teńge tóleýge mindettedi.
