اقتٶبە تۇرعىنى ەرٸپتەسٸن قالا سىرتىنا شىعارىپ, ونى نەسيە رەسٸمدەۋگە مەجبٷرلەپ, تۇنشىقتىرىپ, جەرگە كٶمگەنٸ ٷشٸن كٸنەلٸ دەپ تانىلدى. سوت ونى 20 جىلعا باس بوستاندىعىنان ايىرۋ تۋرالى ٷكٸم شىعاردى, دەپ حابارلايدى Dalanews.kz «دياپازون»-عا سٸلتەمە جاساپ.
32 جاستاعى ايىپتالۋشى اقتٶبەدەگٸ زاۋىتتا ماشينيست بولىپ جۇمىس ٸستەگەن. بٸر كٷنٸ ول ەرٸپتەسٸنٸڭ ٷيدەن شىققانىن كٷتٸپ, ونى اڭدىپ, ٶز كٶلٸنە وتىرعىزىپ, قالا سىرتىنا الىپ كەتكەن.
ٸستٸڭ ماتەريالدارىنا سەيكەس, ايىپتالۋشى كٶلٸكتە ەرٸپتەسٸن 7,7 ملن تەڭگە كٶلەمٸندە نەسيە رەسٸمدەۋگە مەجبٷرلەپ, الىنعان اقشانى تانىسىنا اۋدارۋعا مەجبٷرلەگەن. ال كەيٸن تەرگەۋ انىقتاعانداي, ول قۇربانىن شٷبەرەكپەن تۇنشىقتىرىپ, دەنەسٸن كٶلٸكتە تاسىپ, العا اۋدانىنا شىعارعان.
ايىپتاۋ قورىتىندىسىنا سەيكەس, سول جەردەن ايىپتالۋشى تانىسىنان كٶمەك سۇراپ, تانىسى ٷيٸنەن كٷرەك ەكەلگەن. نەتيجەسٸندە ايىپتالۋشى قۇربانىنىڭ دەنەسٸن جەرلەۋ ٷشٸن شۇڭقىر قازىپ, ونى كٶمگەن.
ەر ادامعا كٸسٸ ٶلتٸرۋ جەنە بوپسالاۋ ايىبى تاعىلعان. سوتتا ونىڭ كٸنەسٸ تولىق راستالدى. سوت ايىپتالۋشىنى 20 جىلعا باس بوستاندىعىنان ايىرۋعا ٷكٸم شىعاردى.
ونىڭ تانىسى قىلمىستى جاسىرۋدا ايىپتالىپ, امنيستييانى ەسكەرە وتىرىپ, 3 جىل 2 ايعا باس بوستاندىعىنان ايىرىلدى.
سونىمەن قاتار, كٸسٸ ٶلتٸرۋ جەنە بوپسالاۋ ٷشٸن سوتتالعان ايىپتالۋشىنى قازا بولعاننىڭ تۋىستارىنا مورالدىق زييان رەتٸندە 10 ملن تەڭگە تٶلەۋگە مٸندەتتەدٸ.
