Monitoringtik baqylaý – baǵa turaqtylyǵynyń kepili
Aýdan ákimdigi janynan qurylǵan baqylaý komissiiasy belgilengen saýda oryndaryn aralap, josparly túrde baǵanyń turaqtylyǵyn tekserip turady. Dál osyndai jumys ótken aptada uiymdastyryldy. Jumys ádettegidei, aldymen aýdan ortalyǵyndaǵy «Dias» saýda úiinen bastaý alyp, ary qarai Shý qalasynda ornalasqan «Halyq», «Qazyna» syndy iri saýda ortalyqtaryn aralaýmen jalǵasty. Komissiia quramynda aýdan ákimdigi kásipkerlik jáne ónerkásip bóliminiń basshysy Bolatjan Tólendiev jáne aýdandyq statistika jáne memlekettik kirister basqarmalarynyń mamandary boldy. 33 áleýmettik azyq-túlik taýarlarynyń ishine nan, qant, kúrish, un, makaron, et, sút ónimderi, kókónis pen jemis-jidekter jáne taǵy basqalary kirdi.
Osy tekseris nátijesinde, aýdandaǵy saýda úilerinde nan men qanttyń baǵasy sharyqtap turǵanyn baiqadyq. Aýdan ákimdigi kásipkerlik jáne ónerkásip bólimi kórsetken baǵada qanttyń bir kelisi – 209 tg, al dál osy taýar «Dias» saýda úiinde – 280 tg, «Halyqta» - 270 tg, «Qazynada» - 275 tg. Nannyń baǵasy bir aptanyń ishinde 10 teńgege ósken. Bul keleńsizdikti joiý úshin komissiia músheleri kásipkerlerge erkertý jasady. Óz sebepterin túsindirgen jeke kásip ieleri qant baǵasynyń qymbattaýy kóterme baǵaǵa, iaǵni, ónim óndiretin óndiristen kelgen baǵaǵa bailanysty dese, nan baǵasynyń ósýi naýbaihanadaǵy baǵanyń qymbattaýynan degendi aityp aqtaldy. Qarap otyrsaq, keibir azyq-túlik pen kókónis ónimderiniń basym bóligi óz óńirimizden, tipti, Shý aýdanynyń ózinde óndirilip jatady. Aýdan ákimdiginiń aýylsharýashylyǵy mamandarynyń málimetterine súiensek, sońǵy jyldary jylyjai arqyly qiiar, qyzanaq ósirý qolǵa alynyp, jaqsy ónim alynýda. Sondai-aq, aýdanda piiaz ósirý de joǵary deńgeide. Arpa men bidaidyń da kólemi edáýir. Sondyqtan da arnaiy komissiia músheleri aýdandaǵy kók bazar men saýda úileri halyq kóp tutynatyn azyq-túlik túrleriniń baǵasyn sharyqtatpaýdy tapsyrdy.
Shý aýdany
