Baiqaýdan bas júldemen oraldy
Ol «Talents of Kazakhstan» dep atalǵan óner men bilim básekesinde «Aspapta oryndaýshylyq» janry boiynsha óner kórsetip, naqty aitqanda Seken Turysbekovtyń «Kóńil tolqyny» kúiin laiyqty oryndap, qazylar alqasynyń joǵary baǵasyna ie boldy. Mundai jetistikke qol jetkizýde ózi bilim alyp júrgen Shý qalasyndaǵy №1 qalalyq saz mektebindegi jetekshisi Bekzada Malikovanyń da ózindik yqpaly zor ekenin aita ketken jón. «Talaptyǵa nur jaýar» demekshi, bos ýaqytyn ónerge arnap, onyń ishinde ulttyq ónermen sýsyndap júrgen Tóledei jas shákirttiń shyǵar biigi áli de alda dep bilemiz. Oraiy kelgende aita ketý kerek, Aiaz Betpaev pen Ábdimomyn Jeldibaevtar shyqqan kieli Shý ólkesi daryndy ónerpazdarǵa óte bai. Máselen, ótken jyly ǵana Shý aýdanynyń «Ásem áýen» folklorlyq ansambli Túrkiia memleketindegi halyqaralyq «Anadolý» festivaline qatysyp qaitan bolatyn. Aita ketý kerek, shýlyqtar osymen 15-shi márte uiymdastyrylyp otyrǵan sharaǵa Qazaqstannyń Túrkiiadaǵy elshiliginiń arnaiy shaqyrtýymen barǵan.
Elimizdiń atynan óner kórsetken shyǵarmashylyq topty Shý aýdany ákiminiń orynbasary Klara Qojaǵappanova, oblys ákimdiginiń mádeniet, arhivter jáne qujattama basqarmasynyń bas mamany Erkejan Sembaeva, oblystyq halyq shyǵarmashylyǵy ortalyǵynyń kórkemdik jetekshisi Elmira Dútbaeva jáne Qazaqstannyń eńbek sińirgen qairatkeri Áýeshan Kelgenbaev syndy tulǵalar bastap barǵan edi. On kúnge jalǵasqan dástúrli festivalge birqatar túrki tildes memleketter men Túrkiianyń jergilikti óner juldyzdary qatysyp, óz ónerlerin ortaǵa saldy. Sharanyń ekinshi kúninde óner kórsetken shýlyqtar 50 myń kórermenniń nazaryna Ábdimomyn Jeldbibaevtyń «Erke sylqym» kúiin, Eskendir Hasanǵalievtyń «Atameken», Mels Ózbekovtiń «Tolqidy Shýym» ánin, Arman Beksultannyń «Elge tilek» jáne Mailyqojanyń «Ósiet» termesi men «Jan erkem», «Qurbym-ai», «Dei saldym-ai», «Aýylyń seniń irgeli» syndy halyq ánderin usyndy. Elimizdiń ulttyq ónerin Anadolý jerinde laiyqty tanystyra bilgen «Ásem áýen» folklorlyq ansambliniń ónerin túriktiń «Bengú» arnasy tikelei efirden taratypty. Mine, osynyń ózi shýlyqtardyń óner salasyndaǵy alar ornyn aiqyndap turǵandai.
Shý aýdany
