Men bolashaqta qandai pedagog bolamyn?
Tórt jyl buryn barlyq túlekter siiaqty men de arman qýyp, «Qazaq tili men ádebieti pániniń muǵalimi bolamyn» dep Abai atyndaǵy QazUPÝ-ǵa tústim.
Ýniversitet qabyrǵasynda júrip, teoriia men praktikany ushtastyryp, bilim teńizine tereńnen boiladym. Ustaz bolýǵa degen qulshynysym odan saiyn artyp, kóp izdene bastadym. «HHI ǵasyr muǵaliminiń» modelin qalyptastyratyn qabilet pen qasietterdi baiqap, óz boiyma sińirýge tyrysýdamyn.
HHI ǵasyr – tehnologiialar men básekelestiktiń damyǵan zamany. Qazirgi tańda muǵalim tek óz pánimen shektelip qalmaýy qajet. Zamannyń damýy oqýshylardyń da jan-jaqty bilim alýyna áser etip otyr.
Demek, muǵalim de zaman talabyna sai bilim berýdi kózdeidi. Jan-jaqtylyq, izdenimpazdyq pen qyzyǵýshylyq, bilimge qulshynys, psihologiialyq bilim – qazirgi tańdaǵy muǵalimge tán qabiletter jiyntyǵy.
Eń bastysy – óz isińdi súiý. Qazir kóptegen túlekter ózderiniń qalamaǵan mamandyqtaryna túsip jatyr. Bul aldymen ózińe, ekinshi mamandyqqa qiianat jasaý. Sebebi, tek ózińniń qalaǵan isińmen ainalysqanda ǵana júregiń jai tabady, sonda ǵana shyn peiilmen jumys jasai alasyń. Al men óz isimdi jaqsy kóremin.
«Meniń qandai pedagog bolǵym keledi jáne ol úshin qazir qandai is-áreketter jasap jatyrmyn?» degen suraq ár pedagogti mazalaityny sózsiz.Úlken jaýapkershilikti qajet etetin mamandyqty tańdaǵannan keiin bar bolmysymyzben kirisip, ózimizge esep berip otyrýymyz kerek.
Óz tájiribeme súiener bolsam, ár sabaqta oqýshyny jalyqtyryp almaityndai túrli onlain platformalarmen jumys jasaimyn. Padlet, Quizziz, Kahoot, LearningAps, Wordwall qosymshalary senimdi serikterimniń birine ainaldy. Óz kásibi quzyrettiligimdi damytý maqsatynda qarym-qatynas ornatý psihologiiasyn meńgerýdemin.
Meniń túsinigimde aldyma kelip otyrǵan ár bala – Qazaqstannyń bolashaǵy. Bolashaǵymyz jarqyn bolýy úshin jastarymyz bilimdi, quzyretti ári jan-jaqty bolýy tiis. Oqýshyǵa tek pán boiynsha sabaq berip qana qoimai, bolashaǵyna qajetti tárbie, aqyl-keńesimdi berýge de tyrysamyn.
Ár sabaǵymdy ómirmen bailanystyryp, oilaýdyń alty deńgeiin qoldanyp, tapsyrmalar uiymdastyramyn. Sebebi, Qazaqstandyq bilim berý júiesi shet el tájiribesine súienip dami bastady. Oqýshynyń bilimi ǵana emes, ózimniń de bilimime kóp kóńil bólemin. Pánaralyq bailanystar, ártúrli salaǵa qatysty mátindermen jumys isteý biraz izdenisti talap etedi. Oqýshylar bilimi bar muǵalimdi moiyndaidy, qurmetteidi jáne oǵan uqsaýǵa tyrysady.
Meniń maqsatym – oqýshyny jaqsy iske qanattandyra alatyndai muǵalim bolý.
Bul sózderden ne túiýge bolady? Muǵalim – psiholog, muǵalim – pedagog, muǵalim – izdenýshi, muǵalim – shyǵarmashylyqty úzbei qoldanatyn tulǵa. Eń bastysy muǵalim – mekteptiń júregi. Al, júreksiz adamnyń ómir súre almaityny sekildi, muǵalimsiz elimizdiń bolashaǵy damymaidy.
Muǵalimniń jetistigi – oqýshysynyń ómirdiń bir belesin baǵyndyrǵanyn kórý. «Ustazdyq etken jalyqpas, úiretýden balaǵa» demekshi, bolashaqta óz isimdi shynymen joǵary dárejege jetkizetin, kásibi quzyretti, bilimdi, oqýshylar úlgi tutatyn zamanaýi muǵalim bolamyn degen senimdemin.
Arailym Nurqasymova,
Aibai ýniversiteti Filologiia institýtynyń stýdenti
