Bir jaǵadan bas, bir jeńnen qol shyǵarýǵa kedergi bolyp kelgen eń basty faktor – qarjy máselesi sheshimin tapqan. Bulardyń kýratory bop ótkende buǵatqa túsken "Tsargrad" saitynyń iesi, oligarh Kanstantin Malapeev bekitilgen.
Birigý motivi belgili. Basty maqsat – siz ben bizdi "orys áleminiń" órisinen uzatpaý. Endi AQSh pen Batysty qaralaityn kontent kólemi kúrt ulǵaiatyny aitpasa da túsinikti. Tek bir niýans bar...
Resei propagandasy transformatsiiaǵa ushyrap, oń-solyn tanyp alǵan qazaq qoǵamyna qai jaǵynan kelerin bilmei daǵdarýda.
Malapeevtiń (kýratordyń) usynysy boiynsha Telegramdaǵy orystildi arnalar elimizdegi Reseige elegizip otyrǵan aýditoriiany úrei qushaǵyna endirýi tiis. Onyń jalǵyz joly – dezinformatsiiany úiip-tógý.
Dala Inside arnasy anyqtaǵanyndai jumys 3 baǵyt boiynsha júredi.
Kýratordan túsken alǵashqy tapsyrma «Qazaqstanda AQSh-tyń biolabotoriiasy ashylady...» degen ótirik áńgimeni órttei órshitý.
Telegadaǵy «Baraeva», «Vzliad na vostok», «Balbaltas», «Asia Today», «Segodnia.kz» sekildi arnalar: «GosDep Ýkrainadaǵy 30-ǵa tarta biolaboratoriiany Qazaqstanǵa kóshiredi. Úsh millionǵa jýyq orysy bar el biologiialyq synaq alańyna ainalady» degen qaýesetti birinen soń biri ilip áketýde.
Ekinshi baǵyt: qazaq biligindegi ultshyl azamattarǵa soqtyǵý. Ashat Niiazov pen Berik Ábdiǵalidiń suhbatyn kórgen bular Ulytaý ákiminiń orystildi blogerlerden qaimyǵatynyn ańǵarǵan.
Ábdiǵalidiń álsiz jerinen ustaý protsesi bastalyp ketti. «AQSh-ta ideologiialyq daiyndyqtan ótken adam basshylyq qyzmette otyr» degen aqparatty «proreseilik» aýditoriianyń qulaǵyna quiýda.
Úshinshi baǵyt Malapeevtiń (kýrator) ózine qatysty. «Tsargradtyń» qojaiyny qalasa Aqparminniń basshysyn ornynan qozǵai alady» degen tezis daiyn tur.
Aita ketelik, eks-Aqparat ministri Asqar Omarovty «rýsofob» dep alǵash aiyptaǵan osy «Tsargrad» edi. Omarov bul orynda uzaq aialdaǵan joq. Malapeevke tiesili saitty buǵattaǵan Darhan Qydyráli de kóp uzamai qyzmetten ketti.
Reseilik oligrahtyń bulardyń otstavkasyna yqpal etpegeni anyq. Dese de, elimizdegi «proreseilik» arnalarǵa aqparatty osy turǵydan taratý mindeti júktelgen.
Dala Inside atyn atap, túsin tústegen arnalar bir ortalyqtan basqarylady, olardyń kontentin ázirleýge elimizdegi reseishil sarapshylar atsalysady (bulardy buǵattaý máselesinde kómek kórsetýge daiynbyz).
Al Balaevanyń bas aýrýy kóbeieiin dep tur. Aida Ǵalymqyzy provokatsiiany qalai aýyzdyqtaidy?
Jańa Qazaqstan Reseige jumys isteitin agentterdiń esim-soiyn jariia etýge batyly bara ma, másele sonda.
