ءبىر جاعادان باس، ءبىر جەڭنەن قول شىعارۋعا كەدەرگى بولىپ كەلگەن ەڭ باستى فاكتور – قارجى ماسەلەسى شەشىمىن تاپقان. بۇلاردىڭ كۋراتورى بوپ وتكەندە بۇعاتقا تۇسكەن "سارگراد" سايتىنىڭ يەسى، وليگارح كانستانتين مالاپەيەۆ بەكىتىلگەن.
بىرىگۋ ءموتيۆى بەلگىلى. باستى ماقسات – ءسىز بەن ءبىزدى "ورىس الەمىنىڭ" ورىسىنەن ۇزاتپاۋ. ەندى اقش پەن باتىستى قارالايتىن كونتەنت كولەمى كۇرت ۇلعاياتىنى ايتپاسا دا تۇسىنىكتى. تەك ءبىر نيۋانس بار...
رەسەي پروپاگانداسى ترانسفورماسياعا ۇشىراپ، وڭ-سولىن تانىپ العان قازاق قوعامىنا قاي جاعىنان كەلەرىن بىلمەي داعدارۋدا.
مالاپەيەۆتىڭ (كۋراتوردىڭ) ۇسىنىسى بويىنشا تەلەگرامداعى ءورىستىلدى ارنالار ەلىمىزدەگى رەسەيگە ەلەگىزىپ وتىرعان اۋديتوريانى ۇرەي قۇشاعىنا ەندىرۋى ءتيىس. ونىڭ جالعىز جولى – دەزينفورماسيانى ۇيىپ-توگۋ.
Dala Inside ارناسى انىقتاعانىنداي جۇمىس 3 باعىت بويىنشا جۇرەدى.
كۋراتوردان تۇسكەن العاشقى تاپسىرما «قازاقستاندا اقش-تىڭ بيولابوتورياسى اشىلادى...» دەگەن وتىرىك اڭگىمەنى ورتتەي ءورشىتۋ.
تەلەگاداعى «بارايەۆا»، «ۆزلياد نا ۆوستوك»، «Balbaltas»، «Asia Today»، «سەگودنيا.kz» سەكىلدى ارنالار: «گوسدەپ ۋكرايناداعى 30-عا تارتا بيولابوراتوريانى قازاقستانعا كوشىرەدى. ءۇش ميلليونعا جۋىق ورىسى بار ەل بيولوگيالىق سىناق الاڭىنا اينالادى» دەگەن قاۋەسەتتى بىرىنەن سوڭ ءبىرى ءىلىپ اكەتۋدە.
ەكىنشى باعىت: قازاق بيلىگىندەگى ۇلتشىل ازاماتتارعا سوقتىعۋ. اسحات نيازوۆ پەن بەرىك ءابدىعاليدىڭ سۇحباتىن كورگەن بۇلار ۇلىتاۋ اكىمىنىڭ ءورىستىلدى بلوگەرلەردەن قايمىعاتىنىن اڭعارعان.
ءابدىعاليدىڭ ءالسىز جەرىنەن ۇستاۋ پروسەسى باستالىپ كەتتى. «اقش-تا يدەولوگيالىق دايىندىقتان وتكەن ادام باسشىلىق قىزمەتتە وتىر» دەگەن اقپاراتتى «پرورەسەيلىك» اۋديتوريانىڭ قۇلاعىنا قۇيۋدا.
ءۇشىنشى باعىت مالاپەيەۆتىڭ (كۋراتور) وزىنە قاتىستى. «سارگرادتىڭ» قوجايىنى قالاسا ءاقپارميننىڭ باسشىسىن ورنىنان قوزعاي الادى» دەگەن تەزيس دايىن تۇر.
ايتا كەتەلىك، ەكس-اقپارات ءمينيسترى اسقار وماروۆتى «رۋسوفوب» دەپ العاش ايىپتاعان وسى «سارگراد» ەدى. وماروۆ بۇل ورىندا ۇزاق ايالداعان جوق. مالاپەيەۆكە تيەسىلى سايتتى بۇعاتتاعان دارحان ءقىدىرالى دە كوپ ۇزاماي قىزمەتتەن كەتتى.
رەسەيلىك وليگراحتىڭ بۇلاردىڭ وتستاۆكاسىنا ىقپال ەتپەگەنى انىق. دەسە دە، ەلىمىزدەگى «پرورەسەيلىك» ارنالارعا اقپاراتتى وسى تۇرعىدان تاراتۋ مىندەتى جۇكتەلگەن.
Dala Inside اتىن اتاپ، ءتۇسىن تۇستەگەن ارنالار ءبىر ورتالىقتان باسقارىلادى، ولاردىڭ كونتەنتىن ازىرلەۋگە ەلىمىزدەگى رەسەيشىل ساراپشىلار اتسالىسادى (بۇلاردى بۇعاتتاۋ ماسەلەسىندە كومەك كورسەتۋگە دايىنبىز).
ال بالايەۆانىڭ باس اۋرۋى كوبەيەيىن دەپ تۇر. ايدا عالىم قىزى پروۆوكاسيانى قالاي اۋىزدىقتايدى؟
جاڭا قازاقستان رەسەيگە جۇمىس ىستەيتىن اگەنتتەردىڭ ەسىم-سويىن جاريا ەتۋگە باتىلى بارا ما، ماسەلە سوندا.
