«Almaty - memleket pen biznes áriptestiktiń júrgizilip otyrǵan sátti úlgisi sanalady. Áleýmettik jaýapkershilikti ózine alýǵa daiyn kásipkerlerge qoldaý kórsetý, túrli baǵyttarda júzege asyrylady. Atap aitqanda: demeýqarjylar, memlekettik kepildikter, sýbsidiialar men jeńildikter qarastyrylǵan nesieler. Biz kez kelgen usynystarǵa ashyqpyz jáne túrli jobalardy qarastyrýǵa daiyn ekenimizdi aitqymyz keledi», - dedi komissiia tóraǵasy Asqar Bilisbekov. Strategiialdyq josparlaý, biýdjet jáne tiimdiligi jónindegi turaqty komissiia músheleri –Asqar Bilisbekov, Shýhrat Shardinov, Iýrii Shin men Mahambet Hasenov «Magným» jáne «Loko market» dúkender jelisin aralady.
Depýtattar áleýmettik mańyzǵa ie taýarlar baǵasyn yryqta ustaýǵa qatysty tekserý jumystaryn júrgizdi. Osy maqsatta qala biýdjetinen 11 mlrd teńge bólingen bolatyn.
«Magným» saýda jelisiniń ókilderi máslihat depýtattaryna áleýmettik qalalyq karta jelisin engizgenderi týraly aityp berdi. Bul degenimiz bank kartalary solar arqyly jeńildikterge qol jetkizgen halyqtyń toby iaǵni zeinerkerler, stýdentter men mektep oqýshylary, aiaǵy aýyr áielder, kópbalaly otbasynyń músheleri, járdemaqy alyp otyrǵan múmkindigi shekteýli azamattar, tutynýshy retinde dúkende jeńildikter qarastyrylǵan baǵamen taýar alady.
Osyndai jeńildikter qoǵamdyq kólikterde de qarastyrylǵan.
«Naryqtyq ekonomika jaǵdaiynda memleket pen jeke áriptestik arasynda tiimdi mehanizmder oilastyryp, halyqtyń áleýmettik toptaryna meilinshe qoldaý jasaýdy kózdeimiz. Almaty qashan da túrli jobalardyń tusaýy kesilip, jańasynyń júzege asyrylatyn qalasy sanalady», - dedi strategiialyq josparlaý, biýdjet jáne tiimdigi jónindegi turaqty komissiianyń bastyǵy Asqar Bilisbekov.
Depýtattardyń tekserýimen atbasyn tireitin kelesi núktesi – «Úi janyndaǵy dúken» men «Loko Market» saýda jelileri. Bul saýda jelisiniń ustanymy – aradaǵy deldalsyz qyzmet etý. Riteilerler Almaty oblysynyń sharýa qojalyqtarymen kelisip, baqshadan ónim tikelei dúken sóresine jetkiziledi. Jeli memleketten demeýqarja almaidy, alaida qaladan arzan baǵaǵa saýda núktelerin jalǵa alady. Mundai jeńildikter kásipkerlerge áleýmettik mańyzǵa ie taýarlardy arzan baǵamen jetkizýge jáne satýǵa múmkindik beredi.
