Eki qabattan turatyn órtke qarsy depo Aqjar yqsham aýdanynda 1,5 jyldyń ishinde salynǵan. Órtke qarsy depo Naýryzbai aýdanyndaǵy 159 myńnan asa turǵynnyń qaýipsizdigine jaýap beredi. Sonymen qatar jańa ǵimaratta TJD shuǵyl áreket etý ortalyǵy ornalasqan. Arnaiy tehnikalarǵa avtoturaq bar. Qyzmet kórsetý, bailanys bólimshesi, demalys bólmesi men tamaqtaný orny, jattyǵý zaldary men dáris bólmeleri qarastyrylǵan.
Alataý aýdanyndaǵy órtke qarsy depo birden alty jedel shyǵý júmkindigine ie. Bokstarda sý toltyrylǵan avtotsisternalar ornasqan. Deponyń oqý-jattyǵý munarasy bar. Odan bólek, zamanaýi órtke qarsy bólimshede otbasylyq jatahana boi kótergen.
«Qala basshylyǵy almatylyqtardyń densaýlyǵy men qaýipsizdigine basa mán berip, máseleni qatań baqylaýda ustap otyrady.Jańa ashylǵan depolardyń árqaisysynda tiimdi qyzmet kórsetýge qajetti barlyq jaǵdai qarastyrylǵan: bailanys jáne habarlama quraly, dáris synyptary, oqýǵa arnalǵan bólmeler, jumys pen demalys bólmeleri bar.
Qurylys kompaniiasy kireberis joldy jasap, avtokólikterge oryn, qýat kózin únemdeityn syrtqy shamdar ornatyp, baǵdarshamdar, jaýyn shashynǵa arnalǵan káriz joldary, apatty jaǵdaida elektr qýatymen qamtý júiesin ornatqan.
Sonymen qatar, kógaldandyrý men aýlany abattandyrý boiynsha da barlyq jumystan tyńǵylyqty oryndalǵan», – dedi jergilikti memlekettik basqarý jáne qaýipsizdik jónindegi turaqty komissiia tóraiymy Rahat Shimasheva.
