ەكى قاباتتان تۇراتىن ورتكە قارسى دەپو اقجار ىقشام اۋدانىندا 1،5 جىلدىڭ ىشىندە سالىنعان. ورتكە قارسى دەپو ناۋرىزباي اۋدانىنداعى 159 مىڭنان اسا تۇرعىننىڭ قاۋىپسىزدىگىنە جاۋاپ بەرەدى. سونىمەن قاتار جاڭا عيماراتتا تجد شۇعىل ارەكەت ەتۋ ورتالىعى ورنالاسقان. ارنايى تەحنيكالارعا اۆتوتۇراق بار. قىزمەت كورسەتۋ، بايلانىس بولىمشەسى، دەمالىس بولمەسى مەن تاماقتانۋ ورنى، جاتتىعۋ زالدارى مەن ءدارىس بولمەلەرى قاراستىرىلعان.
الاتاۋ اۋدانىنداعى ورتكە قارسى دەپو بىردەن التى جەدەل شىعۋ جۇمكىندىگىنە يە. بوكستاردا سۋ تولتىرىلعان اۆتوسيستەرنالار ورناسقان. دەپونىڭ وقۋ-جاتتىعۋ مۇناراسى بار. ودان بولەك، زاماناۋي ورتكە قارسى بولىمشەدە وتباسىلىق جاتاحانا بوي كوتەرگەن.
«قالا باسشىلىعى الماتىلىقتاردىڭ دەنساۋلىعى مەن قاۋىپسىزدىگىنە باسا ءمان بەرىپ، ماسەلەنى قاتاڭ باقىلاۋدا ۇستاپ وتىرادى.جاڭا اشىلعان دەپولاردىڭ ءارقايسىسىندا ءتيىمدى قىزمەت كورسەتۋگە قاجەتتى بارلىق جاعداي قاراستىرىلعان: بايلانىس جانە حابارلاما قۇرالى، ءدارىس سىنىپتارى، وقۋعا ارنالعان بولمەلەر، جۇمىس پەن دەمالىس بولمەلەرى بار.
قۇرىلىس كومپانياسى كىرەبەرىس جولدى جاساپ، اۆتوكولىكتەرگە ورىن، قۋات كوزىن ۇنەمدەيتىن سىرتقى شامدار ورناتىپ، باعدارشامدار، جاۋىن شاشىنعا ارنالعان كارىز جولدارى، اپاتتى جاعدايدا ەلەكتر قۋاتىمەن قامتۋ جۇيەسىن ورناتقان.
سونىمەن قاتار، كوگالداندىرۋ مەن اۋلانى اباتتاندىرۋ بويىنشا دا بارلىق جۇمىستان تىڭعىلىقتى ورىندالعان»، – دەدى جەرگىلىكتى مەملەكەتتىك باسقارۋ جانە قاۋىپسىزدىك جونىندەگى تۇراقتى كوميسسيا ءتورايىمى راحات شيماشيەۆا.
