Memleket basshysy Qasym-Jomart Toqaev byltyr 1 qyrkúiektegi Qazaqstan halqyna Joldaýynda «Jaily mektep» Ulttyq jobasynyń qolǵa alynatynyn jariia etti.
Jobany iske asyrý barysy týraly «AMANAT» partiiasynyń depýtattyq fraktsiiasy aldynda Oqý-aǵartý vitse-ministri Edil Ospan baiandama jasady. Ol sońǵy 10 jylda elimizde oqýshylar sany 1 mln-ǵa artyp, 3,7 mln-ǵa jetkenin málimdedi. Qazirgi ýaqytta 270 myń oqýshy orny tapshy. Eger tiisti shara qabyldanbasa, 2026 jylǵa qarai bul kórsetkish 1 mln-nan asady.
– Ulttyq joba aiasynda 2026 jylǵa deiin 800 myńǵa jýyq oqýshy orynyn paidalanýǵa berý josparlanyp otyr. Bul mektepter oqýshylar men pedagogtarǵa jaily jaǵdai jasaý úshin qajetti zamanaýi qural-jabdyqtarmen, jihazdarmen, internet jelisimen qamtamasyz etiledi. Árbir oqýshy úshin jeke shkaf, transformer parta ornatylyp, mekteptiń ár qabatynda oqýǵa jáne demalýǵa arnalǵan kovorking bólme, interaktivti qurylǵy, TOUCH/LED-ekran, ámbebap sheberhana jáne t.b. bolady, – dedi Edil Ospan.
Sondai-aq. vitse-ministr 2026 jylǵa deiin Ulttyq jobadan tys shamamen 600 myń oqýshy ornyn paidalanýǵa berý, aýyldarda, shaǵyn qalalarda jáne aýdan ortalyqtarynda 3 myńnan astam mektepti jańǵyrtý josparlanǵanyn atap ótti. Jaratylystaný-matematika baǵytynda bilim berýdi jaqsartý maqsatynda 2029 jylǵa deiin mektepterde jergilikti biýdjet esebinen 7 myń zamanaýi robototehnika, himiia, fizika, biologiia, STEM kabinetterin ashý kózdelgen.
Fraktsiia basshysy, partiianyń Atqarýshy hatshysy Elnur Beisenbaev mektepter salý kezinde Qazaqstanda óndirilgen materialdar paidalanylýy tiis ekenin atap ótti.
– Elimizde kez kelgen aýqymdy infraqurylymdyq qurylys kezinde barynsha otandyq óndiris materialdary paidalanylýy tiis. «Jaily mektep» jobasyn júzege asyrýǵa 2,6 trln. teńge bólindi. Bul qarajat oqýshy oryndarynyń jetispeýshiligin sheship qana qoimai, otandyq óndiristi damytýǵa baǵyttalýy tiis. Konkýrstyq qujattamany rásimdeý kezeńinen-aq otandyq kásipkerdi qoldaý sharalary belgilenýi tiis edi. Alaida, jobalaý kezeńiniń ózinde importtyq materialdardy paidalaný kózdelip, otandyq taýarlar ysyrylyp qalyp jatyr.
Osyǵan bailanysty tapsyrys alyp, jumysy júretinine senip qalǵan salalyq qaýymdastyqtardan túrli shaǵym kelip túsýde. Sondai-aq, materialdar, jihazdar men jabdyqtar boiynsha barlyq satyp alý rásimi qurylys kompaniialarynyń quzyretine berilgen. Al iri biznes óz paidasyn ǵana oilap otyr. Qurylys materialdaryn, shyny, jihaz, tehnika óndiretin bizdiń kásiporyndar jobaǵa qatysýy tiis. Ózge eldiń ekonomikasyn jarylqai berýdi doǵarý kerek, – dedi ol.
Óz kezeginde «Samruk-Kazyna Construction» AQ Basqarma tóraǵasy Máýlen Aimanbetov kompaniia biryńǵai standart boiynsha ǵimarattardyń tiptik jobasyn ázirlep jatqanyn aitty. Bular – 300, 600, 900, 1200, 1500, 2000 jáne 2500 oqýshy ornyna arnalǵan eki aýysymdy mektepter.
– Biz 5 klimattyq aimaqqa arnalǵan 7 jobalyq qýat boiynsha 35 jobalyq-smetalyq qujattama ázirlep jatyrmyz. 2026 jylǵa deiin barlyǵy 401 mektep salynady. Jalpy qyzmetterdi paidalaný aýqymy boiynsha qazaqstandyq ónimniń úlesi shamamen 70-80%-dy quraýy tiis. Máselen, jihaz jasaityn otandyq kompaniialardyń 90%-y tiisti tehnikalyq sipattama alǵan jaǵdaida mektep jihazdaryn shyǵara alady. Biz qurylys kompaniialaryna ýaqtyly kelisimsharttar jasasý jáne jihazǵa tapsyrys berý boiynsha talaptar qoiamyz. Qyzmetti jetkizýshilerden: 3 jyldan 5 jylǵa deiin qyzmet kórsetý týraly kepildik jáne CT KZ sertifikatynyń bolýy talap etiledi, – dep atap ótti ol.
Depýtat Juldyz Súleimenova mektepterdi oqýshy sany boiynsha bólý máselesine nazar aýdardy. Máselen, 2500 oqýshyǵa negizdelgen tek 3 ǵimarat turǵyzylady. Onyń bireýi Aqmola oblysynda, al qalǵan ekeýi Almaty qalasynda salynady.
– Mundai mektepterdiń jalpy qaýipsizdigine qatań talap qoiylýy kerek. Iaǵni, jer silkinisine tózimdilik pen shuǵyl evakýatsiia jasaý múmkindigi máselelerine airyqsha mán berilýi tiis. Mundai ǵimarattardyń aýmaǵy da keń bolýy kerek. Sonymen qatar, tenderlerdi birneshe ret ótkizbeý úshin qurylystyń keshigýine jol berýge bolmaidy, – dedi ol.
– Buǵan deiin qurylys barysyn baqylaityn aqparattyq-tsifrlyq platforma jumys isteitini aityldy. Bul elektrondyq júie ashyq qoǵamdyq baqylaý júrgizýge arnalǵan. Sondai-aq, bizge mektepter sany qysqarǵany týraly beiresmi málimet jetip otyr. Eger bul derek shyndyqqa sáikes kelse, onda qarjylandyrý kólemi de qysqarýy kerek. Taraptar biýdjet qarajatyn igerý kezinde únemshildik tanytýy tiis, – dedi ol.
Fraktsiia jinalysynyń qorytyndysy boiynsha Elnur Beisenbaev depýtattardyń jumysyn kúsheitý boiynsha birqatar tapsyrma berdi. Ol «Jaily mektep» jobasyn turaqty baqylaýda ustaý mańyzdy ekenin atap ótti.
«Memleket basshysynyń jaily mektepter salý jónindegi igi bastamasyn júieli júzege asyrýymyz kerek. Bul iske qoǵam bolyp jumylý qajet. Árbir qazaqstandyq bala zamanaýi mektepte bilim alýǵa tolyq quqyly. Otandyq taýar óndirýshilerge aitarym, basty maqsat – tabys tabý emes, jaily mektep turǵyzý. Jas urpaq sizder óndirgen jihazdardy paidalanyp, 11 jyl bilim alady. Baqai esep úshin emes, zamanaýi mektep salý úshin jumys isteýmiz kerek. AMANAT» fraktsiiasy árdaiym osyndai mańyzdy máselelerdiń kóshbasynda júrýge daiyn. Biz bul máseleni baqylaýda ustaimyz», - dep túiindedi Elnur Beisenbaev.
«AMANAT» partiiasynyń baspasóz qyzmeti
Sýretti túsirgen Áli Ǵalym
https://dalanews.kz/news/88427-masimov-kepilmen-syrtqa-shyqsa-kudeba
