Búginde mektepke jumysqa turýdyń ózi qyp-qyzyl saýdaǵa ainalǵan. Al mektepti muǵalimderge saǵat bólý ádil júredi dep aitýdyń ózi qiyn. Muǵalimderdiń ailyǵy kóterilgeli ber aqsha jinaý, paraqorlyq tipti údep barady. Ustazdar qaýymnyń kóterilgen ailyǵy jemqorlyqty eselep, ósirýde.
Muǵalimderden aqsha jinaý isin mektepke ár mekemeden baratyn komissiialar tipti údetip jibergenin jasyrmai aitýymyz kerek.
Aýdan, oblystan áne-mine komissiia keledi degen habar jetken sátten bastap, mektep direktorlary muǵalimderdi shyryldatyp aqsha jinai bastady.
Eger Oqý-aǵartý ministri mekteptegi jemqorlyqty joiǵysy kelse, ár nárseni jeleý etip, mektepke qarai usha jóneletin komissiiany toqtatý kerek.
Búginde mektep direktory komissiia kútip, shyǵaryp salý úshin (qaltasyna aqsha da salatyny anyq) ár muǵalimnen 10-15 myń teńgeden jinaityny jasyryn emes.
Bir mektepte 70-80 qyzmetker bar desek, solardan orta eseppen 10 myń teńgeden jinaǵanda, bir komissiianyń aptyǵyn basý úshin muǵalimder 700-800 myń teńge shyǵyndaýyna týra keledi.
Al 15 myń teńgeden jinasa, komissiianyń betin qaitarý operatsiiasy 1, 2 mln teńgege shyǵyp ketedi. Osydan-aq, mektepke komissiianyń nege kelgishtei beretinin túsinýge bolady.
Al osyndai komissiialar mektepke jylyna 4-5 ret keletinin eskersek, muǵalimder komissiia úshin jylyna orta eseppen 4-5 mln teńgeniń aralyǵynda aqsha jinaitynyn baiqaýǵa bolady.
Budan basqa aqsha jinaýdy ádetke ainaldyrǵan mektep direktorynyń jylyna bir ret ainalyp keletin týǵan kúnin qossańyz, muǵalimderden jinalatyn aqsha taǵy 1 mln teńge artady.
Budan basqa jaryqtyń shamyn, kórnekilik quraldar, taǵy biz bile bermeitin zattardy alamyz dep taǵy da qyraýar aqsha jinalady. Bulardyń bárin esepteseńiz, muǵalimderden jinalatyn jylý jylyna 10-15 mln teńgege jetip jyǵylady.
Budan basqa mektep direktorlary muǵalimderge beretin saǵattaryn saǵyzsha sozyp taratqanda taǵy da aqsha dámetetini jasyryn emes.
Eń bastysy qazir mekteptegi jemqorlyqtyń óristeýine aýdandyq, oblystyq bilim bólimderinen keletin komissiialar katalizator bolyp turǵanyn jasyryn emes.
Eger Oqý-aǵartý ministri Ǵani Beisembaev mekteptegi jemqorlyqpen shyndap kúreskisi kelse, mektepke baratyn komissiiaǵa morotorii jariialaýy kerek. Memleket kásipkerlerge qydyńdap ai saiyn kelip turatyn tekserýshilerge (olardyń da mektepke baratyn komissiiadan aiyrmasy shamaly) morotrii jariialaǵannan keiin kásipkerler birazǵa deiin keń tynystap qalǵanyn bilemiz?
Sondyqtan mektepti qajeti joq komissiialardan arashalap alatyn kez keldi.
Bul – komissiia degenińiz mektepti jemqorlyqtyń batpaǵyna batyryp bitti. Osynyń kesirinen mektep direktorlary qarny jýan mesqaryn jemqorǵa ainalyp jatyr.
