"Operator ROP" kompanıasynyń resmı quryltaıshysy, al beıresmı derekter boıynsha Álıa Nazarbaevanyń úı kútýshisi Shynar Muqtarovanyń advokattary prosesýaldyq kelisim jasasý týraly ótinish bergenderin jarıa etti.
Tergeýshilerdiń málim etkenindeı, Muqtarova kompanıanyń burynǵy bas dırektory Svetlana Korotenkomen birge 920 mıllıon teńge urlaǵan.
Qazir Muqtarova eki qylmystyq bap – 28-baptyń 3-bólimi (qylmystyq quqyq buzýshylyqty uıymdastyrý) jáne 189-baptyń 4-bólimi (senip tapsyrylǵan bótenniń múlkin ıemdený nemese ysyrap etý) boıynsha aıyptalyp otyr.
"Biz bul is boıynsha bizdiń epızodqa qatysty zalaldy óteýge nıettimiz", — dedi advokat.
Bul is boıynsha jábirlenýshi tarap – "Jasyl Damý" AQ.
Halyqaralyq izdeýde júrgen "Operator ROP" JSHS-niń burynǵy quryltaıshysy Sh. Muqtarovany shilde aıynda Birikken Arab Ámirlikterinde ustalyp, Qazaqstanǵa ekstradısıalaǵan
Májilis depýtaty Erlan Saıyrov qyrkúıek aıynda kýágerler Álıa Nazarbaevany "Operator ROP"-tyń sońǵy benefısıary retinde kórsetkenin aıtqan edi.
"Alaıda buǵan sot ta, Bas prokýratýranyń ókilderi de nazar aýdarmady. Muny qalaı túsinemiz?", - degen bolatyn depýtat.
Álıanyń sybaılasy sanalǵan Ekologıa vıse-mınıstri Ahmetjan Pirimqulovtyń bıylǵy jyldyń shildesinde jeti jylǵa sottalǵanyn aıta ketý kerek. Oǵan kompanıanyń top-menedjerlerimen aýyz jalasyp, 26,8 mlrd teńgeni qymqyrdy, budan bólek qoqys órteıtin alty zaýyttyń qurylysyna bólingen 180 mlrd teńgeni jymqyrmaq boldy degen aıyp taǵylǵan.
Al DALA INSIDE telegram arnasynyń málimetinshe "Jańa Qazaqstan" Álıa Nazarbaevaǵa jaqyndap keledi".
"ROP operatoryna qatysty birinshi prezıdent Nursultan Nazarbaevtyń kenje qyzy Álıa Nazarbaevanyń ústinen is qozǵaý týraly pikir almasýlar júrýde. Onyń fabýlasy, barlyǵy daıyn", - deıdi telegram arna.
Tolyǵyraq osy jerde: https://t.me/dalainside/1487
