Qazaqstanmen kelisimshart 2050 jylǵa deiin kúshinde, dese de, ǵarysh ailaǵyndaǵy Reseidiń belsendiligi birtindep báseńdep keledi.
Zymyran ushyrý keshenderi sirek qoldanylyp, alda ne bolady degen suraq kóbeigen. Qala kóptegen qiyndyqtarǵa tap bolýda.
Roskosmos reisterin Reseidiń qiyr shyǵysynda jańadan salynǵan «Vostochnyi» kosmodromyna aýystyrmaq. Ámirika da kosmodromdaǵy ǵaryshtyq baǵdarlamasyn támámdaǵan. Buǵan Roskosmostyń monopoliiasyna qarsy turatyn SpaceX-tiń básekelestigi jáne qosylǵan. Ámirikalyq kompaniia halyqaralyq ǵarysh stantsiiasyna arzan jáne senimdi zymyran ushyrý qyzmetin usynyp otyr.
Resei men Ýkraina arasyndaǵy soǵys ta máseleni ýshyqtyryp, Batyspen qarym-qatynas buryn-sońdy bolmaǵan deńgeide shielenisti.
DALA INSIDE-qa belgili bolǵandai qaqtyǵys bastalǵaly Resei ekipaj músheleriniń semiasynan basqa batystyq qonaqtardy Baiqońyrǵa kirgizbegen.
Kremldi shyrmap tastaǵan sanktsiialar ǵarysh ailaǵyndaǵy Qazaqstanmen birlesken birneshe jobaǵa da kedergi keltirýde.
Resei halyqaralyq ǵarysh stantsiiasyna reseilik jáne sheteldik ekipajdardy jiberý úshin ǵarysh ailaǵyn paidalanýdy jalǵastyrýda.
Biraq Baiqońyrdaǵy reseilikter bir kezderi tirshiligi qainaǵan qaladan qonys aýdarýdy oilastyrý ústinde. Oǵan eskirgen infraqurylym men shekteýli ekonomikalyq perspektivalar sebep bolyp otyr.
Mundaǵy orystar: «Qalaǵa qazaqtar kóptep qonystanyp, reseilikter ketip jatyr. Bul jerdiń bolashaǵy joq...» degen sheshimge ishtei bekip qoiǵan.
Baiqońyrda týyp-ósken orystyń kópshiligi mektep bitirgen soń atajurtyna, Máskeýge, Sankt-Peterbýrgke aǵylady. Qaladaǵy 57 myńǵa jýyq halyqtyń 16 myńy Resei azamattary.
Osyndai máselelerge tap bolǵan Kreml Baiqońyrda turatyn azamattaryn kóshirýge arnalǵan baǵdarlama ázirlegen. 2021 jyldyń sońynda prezident Pýtin Reseige ketkisi keletinderge baspana alýdy jeńildetetin jarlyqqa qol qoidy.
Qala ákimshiliginiń málimetinshe, 1000-nan astam otbasy osy baǵdarlama boiynsha Reseige oralýǵa ótinish bergen. Bul qaladaǵy orys halqynyń aitarlyqtai bóligi.
– Baǵdarlama maqsaty – reseilik azamattardyń jumyssyz qalmaýyn qamtamasyz etý. Qalada óndiris orny atymen joq. Roskosmos ketse, 7,5 myń jumys orny jabylady, – deidi Baiqońyr qalasynyń ákimi Konstantin Býsygin Agence France-Presse agenttigine bergen suhbatynda.
Aitýynsha, ǵarysh ailaǵy jabylsa, kóp ótpei qalanyń júrek qaǵysy toqtaidy.
Aita ketsek, eki el arasyndaǵy kelisim boiynsha Resei Qazaqstannan "Baiqońyrdy" 2050-shi jylǵa deiin jalǵa alǵan (arendasy jylyna 115 mln dollar, red). Biraq sanktsiia qyspaǵyndaǵy soltústik kórshige kónergen jáne mol investitsiiany talap etetin ǵarysh ailaǵyn ustap turý asa qymbatqa túsýde.
...
Aitqandai, elimizdegi bank lobbii "Qoshanovty jazalaý" operatsiiasy júrgizbek. Tolyǵyraq: https://t.me/dalainside/1536
