Aınalamyzdan sýyq tıgen, tumaý tıgen adamdardy jıi kóremiz. Infeksıalyq aýrýlar kóbeıip, emdeý mekemelerine túsýshiler sany artýda.
Derekterge súıensek, 2018 jyldyń qorytyndysy boıynsha Astana qalasynda eresekter arasynda 1965 naýqas joǵarǵy tynys joldarynyń jedel qabynýy, 690 – qozdyrǵyshtary belgili jedel tonzılıt, 81 - qozdyrǵyshtary belgisiz jedel tonzılıt dıagnozdarymen tirkelgen.
Balalar arasynda: 6 819 - qozdyrǵyshtary belgisiz tynys joldarynyń jedel ınfeksıasy, 266 - qozdyrǵyshtary belgili jedel tonzılıt, 470 - qozdyrǵyshtary belgisiz jedel tonzılıt, 32 - joǵarǵy tynys joldary ınfeksıasy dıagnozdarymen tirkelgen.
«2019 jyly ınfeksıalyq aýrýlardy emdeý úshin qalalyq ınfeksıalyq aýrýhanaǵa 827,4 mln teńge, balalar ınfeksıalyq aýrýhanasyna 1 545,6 mln teńge bólindi. Bul, jalpy alǵanda, 2,3 mlrd qarjy, ótken jylmen salystyrǵanda 0,3 mlrd somaǵa kóp»
- deıdi ÁMSQ Astana qalasy boıynsha fılıalynyń dırektory Nurlybek Qabdyqaparov.
Infeksıalyq aýrýlardyń tumaý, jel sheshek, qyzylsha, rotovırýsty ınfeksıa, t.b. túrleri óte kóp. Ár ınfeksıalyq aýrýdyń óz vırýstary, bakterıalary, t.s.s. qozdyrǵyshtary bar. Infeksıalyq aýrýlardyń eń qaýiptisi, tolyq emdelmese aǵzanyń basqa da aýrýlaryn qozdyryp jiberedi. Sondyqtan ınfeksıalyq aýrýlardan saqtaný joldaryn bilgen jón.
Qazirgi sátte maýsymdyq ahýalǵa baılanysty sýyq tıý, tumaý, baspa, tynys joldary syrqattary jıi kezdesedi. Belgileri jaǵynan uqsaıtyndyqtan bolar, kópshilik sýyq tıý men tumaýdy shatastyryp jatady. Sýyq tıgende adam aǵzasy ony ózi de jeńe alady. Keıde eleýli asqynýlar bolýy múmkin, árıne. Degenmen, ımýndyq júıeni nyǵaıtý jáne sýyq tıý men tumaýdyń alǵashqy belgileri bilinisimen qoldy jýý, tynys alý joldaryn (muryn, tamaq) shaıý, ıaǵnı gıgıenany, tazalyq sharalaryn saqtaı otyryp, saýyqtyrý sharasyn júrgizip, kez kelgen asqynýlardy boldyrmaýǵa bolady.
Medısına salasy jetilgen, tehnıka damyǵan qazirgi ýaqytta, árıne, aýrýdy túrli joldarmen emdeýge bolady. Óz kezeginde, Áleýmettik medısınalyq saqtandyrý qory emdeý mekemeleriniń medısınalyq qyzmet kórsetý sapasyn óz baqylaýyna alǵan.
Degenmen, aýrýdy emdegennen aldyn alǵan durys.
Esterińizge sala ketsek, Medısınalyq saqtandyrý qory 2018 jyldan bastap tegin medısınalyq kómektiń kepildik berilgen kólemi (TMKKK) jáne mindetti áleýmettik medısınalyq saqtandyrý (MÁMS) paketteri boıynsha úkimet belgilegen sheńberde turǵyndar úshin qyzmetterdi satyp alýshy qarjy operatory bolyp tabylady. Iaǵnı, halyqqa kórsetiletin medısınalyq qyzmet sapasy – Qor baqylaýynda.
"Áleýmettik medısınalalyq saqtandyrý qory" KEAQ
Astana qalasy boıynsha fılıalynyń baspasóz qyzmeti
