Qoǵamda qaiyrymdylyq jasap, elge qol ushyn sozatyn azamattar kóbeiip keledi.
Solardyń biri – Túrkistan oblysy, Qazyǵurt aýdanynyń kásipkeri Syrym Ertaev. «Qaiyp ata» JShS basshysy, «Qazaqstandaǵy 100 jańa esim» jobasyna engen azamat óz qarjysy esebinen kópbalaly 2 otbasyǵa baspana salyp berdi.
Jomart júrekti kásipkerge alǵysyn bildirgen eki otbasy búginde jańa baspanalarynda baqytty ǵumyr keship jatyr.
Qazaqstanda et eksportynyń áleýetin kóterip, shetelge et tasymaldap júrgen Syrym Ertaev óz kásibi arqyly kóptegen turǵyndardy jumyspen qamtyp otyr.
Osylaisha, ol «Qazaqstandaǵy 100 jańa esim» qataryna shynaiy el patrioty retinde engenin isimen dáleldedi. Aldaǵy ýaqytta da qaiyrymdylyq sharalaryna atsalysýdy kózdep otyrǵan kásipkerge el dán riza.
Qazirgi tańda Qazyǵurt aýdanynda qaiyrymdylyq jasaýdan jarys ótip jatyr deýge bolatyndai. Máselen, jýyrda ǵana elimizdegi 11 millionynshy qazaqtyń otbasyna aýdan ákimdigi jańa páterdiń kiltin tapsyrdy.
Muhtar Ábdirahym Qazyǵurt aýdany Qarabaý aýyldyq okrýgi Úshbulaq aýylynda dúniege kelgen. Ol Qazaqstanda týǵan 11 millionynshy qazaq bolyp tirkelgen. Muhtardyń ákesi Málik Badambaev aýyl sharýashylyǵymen ainalysady. Anasy Sholpan Kúderbekova – mektepte muǵalim. Úili bolǵan otbasy el azamattaryna alǵystaryn aitty.
Kúni keshe ǵana Qazyǵurt aýyl okrýginiń turmysy tómen 30 otbasyna depýtattardyń demeýshiligimen azyq-túlik berilip, kómek kórsetildi. Otbasylarǵa oblystyq máslihat depýtaty N.Ashirov jáne aýdandyq máslihat depýtattary demeýshilik tanytty.
Al, aýdandyq "Jalynda jastar" qoǵamdyq birlestigi oblys jáne aýdan kásipkerleriniń qoldaýymen áleýmettik jaǵdaiy az qamtamasyz etilgen otbasylarǵa úi-jihazdaryn jáne azyq-túlik alyp bergen. Qaiyrymdylyq is-sharalary aldaǵy ýaqytta da jalǵasyn tappaq.
