Túrkistan oblysy elimiz boiynsha alǵashqy bolyp modýldik meditsinalyq beketterdiń qurylysyn qolǵa aldy. Nemis tehnologiiasy boiynsha salynyp, Túrkiiada jasalǵan ǵimarattardyń artyqshylyǵy alýan. Bul jańashyldyq ýaqyt pen biýdjet qarajatyn aitarlyqtai únemdeidi. Eń bastysy óńirdegi shalǵai aýyldardyń turǵyndary úshin meditsinalyq kómek kórsetý máselesi sheshildi. Medpýnkttiń modýldik qurylymyn qurastyrýǵa nebári 2 ai ǵana ýaqyt ketedi. Jańa medpýnkterde feldsher jáne medbikeler meditsinalyq kómek kórsetedi. Ol úshin munda barlyq jaǵdai jasalǵan. Sapaly materialdardan salynǵan jaily ǵimaratta táýligine ondaǵan naýqastardy qabyldaýǵa múmkindik beredi.
Sondai-aq, elimizde 2018-2025 jyldarǵa arnalǵan Densaýlyq saqtaý infraqurylymyn damytýdyń 17 óńirlik mańyzdy josparlar bekitilip iske asyrylýda. Bul jobaǵa sáikes, 1231 alǵashqy meditsinalyq-sanitarlyq kómek kórsetý nysandarynyń qurylysy qarastyrylǵan, olardyń 327-i Túrkistan oblysynda salynatyn bolady.
Qazirgi ýaqytta Túrkistan oblysynda 6 jańa emhana qurylysy júrgizilýde. Atap aitqanda, Atakent, Myrzakent, Aqsýkent jáne Kentaý, Jetisai, Shardara qalalarynda. Memlekettik-jekemenshik áriptestik aiasynda Túrkistan qalalyq emhanasynyń, 610 tósektik oblystyq kópsalaly aýrýhananyń, Oblystyq týberkýlezge qarsy dispanserdiń, Oblystyq onkologiialyq dispanserdiń qurylysyn júrgizý jáne Túrkistan qalasyndaǵy oblystyq jedel meditsinalyq kómek stantsiiasyn qaita qurý jáne paidalanýǵa berý josparlanýda.
Túrkistan oblysy ákiminiń baspasóz qyzmeti
