Maraltaidyń keshi ótedi
Qazaq - Amerika ýniversiteti jas urpaqqa bilim berýmen qatar, esimi elimizge belgili talanttardy qoldap keledi. Biylǵy jastar jyly aiasynda da birqatar sharalar atqarylmaq. Sonyń bastysy retinde, Qazaq - Amerika ýniversiteti Qazaqstan Respýblikasy Prezidenti syilyǵynyń, Halyqaralyq «Alash» ádebi syilyǵynyń, Memlekettik «Daryn» jastar syilyǵynyń, Qazaqstan Respýblikasy Prezidentiniń 4 márte stipendiaty, Qazaqstan Respýblikasynyń eńbek sińirgen qairatkeri, kórnekti aqyn Maraltai Raiymbekulynyń 50 jyldyq mereitoiyna orai, Almaty qalasyndaǵy Respýblika saraiynda aqpannyń 24 kúni saǵ.18.00 - de "Máńgilik el - shejiresi dalamnyń" atty ádebi-mýzykalyq keshke shaqyrady!
Keshte kórnekti aqyn Maraltai Raiymbekuly jyrdan shashý shashsa, al aqynnyń óleńderin jastar jatqa oqidy. Belgili óner sheberleri men estrada juldyzdary Maraltai aqynnyń óleńine órilgen ánderdi oryndaidy! Án-jyr keshine kelem deýshilerge esik ashyq!
Búkil sanaly ǵumyryn shyǵarmashylyq jolǵa arnap, qazaq ádebietiniń damýyna airyqsha úles qosyp kele jatqan Maraltai Raiymbekulynyń ár jyldary jaryq kórgen «Ai», «Kentavr», «Tarpań», «Qarataý ǵazaldary», «Nurly jol – Máńgilik El» sekildi jyr kitaptary oqyrmandardyń ystyq yqylasyna bólengen.
Ár salada jaýapty qyzmetterde bolǵan Maraltai Raiymbekuly Qazaqstan Jazýshylar odaǵynda Ádebietshiler úiiniń direktory, 2007-2008 jyldary «Kentavr» gazetiniń Bas redaktory, 2008-2012 jyldary Qazaqstan tele-radio korporatsiiasynda redaktor-júrgizýshi jáne sholýshy retinde jýrnalistikada da aishyqty izin qaldyrdy. 2012 jyldan bastap Qazaqstan Jazýshylar odaǵy basqarma Tóraǵasynyń orynbasary qyzmetin atqarǵan. Qazir QR Ulttyq memlekettik kitap palatasy direktorynyń orynbasary.
Qazaq - Amerika ýniversiteti Maraltai Raiymbekulynyń biylǵy 50 jasqa tolý mereitoiynyń betashar sharasyn Almaty qalasyndaǵy Respýblika saraiynda "Máńgilik el - shejiresi dalamnyń" atty ádebi-mýzykalyq keshpen bastamaq. Jaýhar poeziiadan sýsyndaǵysy keletin jyr súier qaýymǵa esik ashyq!
