Ótken jyly oblys sportshylary Qazaqstan Respýblikasynyń chempionattary men birinshilikterine qatysyp, 387 altyn, 382 kúmis, 365 qola medalǵa qol jetkizse, Aziia chempionattarynda 73 altyn, 58 kúmis jáne 38 qola medalǵa ie bolǵan. Al Álem chempionattary men Kýboktarynda túrkistandyq saiypqyrandar 32 altyn, 15 kúmis jáne 16 qola medal jeńip aldy. Al Indoneziiada ótken jazǵy Aziia oiyndarynan túrkistandyqtar 2 altyn, 2 kúmis jáne 5 qola medal enshilegen.
– Búgingi tańda Túrkistan oblysynda sportty damytý baǵytyndaǵy josparlar men bastamalarǵa oblys ákimi Janseiit Qanseiituly qoldaý bildirip otyr. Óńirge myqty sportshylar men bapkerlerdi tartýdy kózdep otyrmyz. Tek óz elimizdiń azamattaryn ǵana shaqyramyz. Men shetelden legioner shaqyrýǵa túbegeili qarsymyn. Olar aqshasyn alady da elderine ketedi. Bekzat, Muhtarhan, Ermahan siiaqty jigitter aýyl-aimaqtarda barshylyq. Solardy sportqa baýlyp, chempiondar daiarlaýymyz qajet. Aldaǵy ýaqytta Túrkistan qalasynda zamanaýi jabyq stadion jáne ózge de sport keshenderi salynady. Múmkindigi shekteýli azamattarǵa arnalǵan «Turan» sport klýbyn, «Túrkistan» kásipqoi boks klýbyn, «Atý jáne sporttyń uqsas túrleri mektebin», «Balalar men jasóspirimderdiń mamandandyrylǵan fýtbol mektebin» jáne «Keshendi joǵary sport sheberligi mektebin» ashsaq degen josparymyz bar. Basty maqsat – Tokio Olimpiadasyna joldamany kóbeitip, júldegerler daiarlaý. Bul rette dziýdodan Didar Hamza, bokstan Qairat Eraliev, Bek Nurmaǵambet jáne eskek esý sportyndaǵy órenderimizge úmit artamyz, – dedi Polat Naýryzbaiuly.
Buqaralyq sportty damytý maqsatynda 2018 jyly oblys aýmaǵynda 4026 sporttyq is-shara ótkizilip, oǵan 571,2 myń adam qatysqan. Oblys turǵyndarynyń sportpen shuǵyldaný kórsetkishi 28,9 paiyzdy qurap otyr.
Sonymen birge, Túrkistan oblysynyń sportshylary QR Aýyl jasóspirimderiniń 2-shi jazǵy oiyndarynda jalpykomandalyq 2-shi oryndy ielense, mektep jáne kolledj oqýshylary arasyndaǵy jazǵy Spartakiadada 1-shi oryndy jeńip aldy.
Basqarma basshysy oblysta basketbol, voleibol jáne fýtbol syndy komandalyq sport túrlerine de qoldaý kúsheietinin aitty.
«Taiaý ýaqytta «Turan» atty fýtbol klýbyn qurýdy josparlap otyrmyz. Ol premer-ligada oinaityn myqty komanda bolady. Sondai-aq balalar men jasóspirimderdiń oblystyq fýtbol mektebi ashylady», – dedi basqarma basshysy.
Túrkistan oblysy ákiminiń baspasóz qyzmeti
