وتكەن جىلى وبلىس سپورتشىلارى قازاقستان رەسپۋبليكاسىنىڭ چەمپيوناتتارى مەن بىرىنشىلىكتەرىنە قاتىسىپ، 387 التىن، 382 كۇمىس، 365 قولا مەدالعا قول جەتكىزسە، ازيا چەمپيوناتتارىندا 73 التىن، 58 كۇمىس جانە 38 قولا مەدالعا يە بولعان. ال الەم چەمپيوناتتارى مەن كۋبوكتارىندا تۇركىستاندىق سايىپقىراندار 32 التىن، 15 كۇمىس جانە 16 قولا مەدال جەڭىپ الدى. ال يندونەزيادا وتكەن جازعى ازيا ويىندارىنان تۇركىستاندىقتار 2 التىن، 2 كۇمىس جانە 5 قولا مەدال ەنشىلەگەن.
– بۇگىنگى تاڭدا تۇركىستان وبلىسىندا سپورتتى دامىتۋ باعىتىنداعى جوسپارلار مەن باستامالارعا وبلىس اكىمى جانسەيىت قانسەيىت ۇلى قولداۋ ءبىلدىرىپ وتىر. وڭىرگە مىقتى سپورتشىلار مەن باپكەرلەردى تارتۋدى كوزدەپ وتىرمىز. تەك ءوز ەلىمىزدىڭ ازاماتتارىن عانا شاقىرامىز. مەن شەتەلدەن لەگيونەر شاقىرۋعا تۇبەگەيلى قارسىمىن. ولار اقشاسىن الادى دا ەلدەرىنە كەتەدى. بەكزات، مۇحتارحان، ەرماحان سياقتى جىگىتتەر اۋىل-ايماقتاردا بارشىلىق. سولاردى سپورتقا باۋلىپ، چەمپيوندار دايارلاۋىمىز قاجەت. الداعى ۋاقىتتا تۇركىستان قالاسىندا زاماناۋي جابىق ستاديون جانە وزگە دە سپورت كەشەندەرى سالىنادى. مۇمكىندىگى شەكتەۋلى ازاماتتارعا ارنالعان «تۇران» سپورت كلۋبىن، «تۇركىستان» كاسىپقوي بوكس كلۋبىن، «اتۋ جانە سپورتتىڭ ۇقساس تۇرلەرى مەكتەبىن»، «بالالار مەن جاسوسپىرىمدەردىڭ مامانداندىرىلعان فۋتبول مەكتەبىن» جانە «كەشەندى جوعارى سپورت شەبەرلىگى مەكتەبىن» اشساق دەگەن جوسپارىمىز بار. باستى ماقسات – توكيو وليمپياداسىنا جولدامانى كوبەيتىپ، جۇلدەگەرلەر دايارلاۋ. بۇل رەتتە دزيۋدودان ديدار حامزا، بوكستان قايرات ەرالييەۆ، بەك نۇرماعامبەت جانە ەسكەك ەسۋ سپورتىنداعى ورەندەرىمىزگە ءۇمىت ارتامىز، – دەدى پولات ناۋرىزباي ۇلى.
بۇقارالىق سپورتتى دامىتۋ ماقساتىندا 2018 جىلى وبلىس اۋماعىندا 4026 سپورتتىق ءىس-شارا وتكىزىلىپ، وعان 571،2 مىڭ ادام قاتىسقان. وبلىس تۇرعىندارىنىڭ سپورتپەن شۇعىلدانۋ كورسەتكىشى 28،9 پايىزدى قۇراپ وتىر.
سونىمەن بىرگە، تۇركىستان وبلىسىنىڭ سپورتشىلارى ق ر اۋىل جاسوسپىرىمدەرىنىڭ 2ء-شى جازعى ويىندارىندا جالپىكوماندالىق 2ء-شى ورىندى يەلەنسە، مەكتەپ جانە كوللەدج وقۋشىلارى اراسىنداعى جازعى سپارتاكيادادا 1ء-شى ورىندى جەڭىپ الدى.
باسقارما باسشىسى وبلىستا باسكەتبول، ۆولەيبول جانە فۋتبول سىندى كوماندالىق سپورت تۇرلەرىنە دە قولداۋ كۇشەيەتىنىن ايتتى.
«تاياۋ ۋاقىتتا «تۇران» اتتى فۋتبول كلۋبىن قۇرۋدى جوسپارلاپ وتىرمىز. ول پرەمەر-ليگادا وينايتىن مىقتى كوماندا بولادى. سونداي-اق بالالار مەن جاسوسپىرىمدەردىڭ وبلىستىق فۋتبول مەكتەبى اشىلادى»، – دەدى باسقارما باسشىسى.
تۇركىستان وبلىسى اكىمىنىڭ باسپا ءسوز قىزمەتى
