Maqtaral egin ziiankesterimen kúresti bastady
QR Aýyl sharýashylyǵy ministrligi Agroónerkásip keshenindegi memlekettik inspektsiia komitetiniń OQO aýmaqtyq inspektsiia basshysy N.B.Badyrakov seminar-keńeske qatysty.
Memleket basshysy N.Á.Nazarbaev «Qazaqstannyń úshinshi jańǵyrýy: jahandyq básekege qabilettilik» atty joldaýynda Qazaqstannyń agroónerkásip kesheniniń bolashaǵy zor ekenin jáne ekologiialyq taza ónimderge qatysty kóptegen pozitsiialar boiynsha biz álemde iri agrarlyq eksporttyq ónim óndirýshilerdiń biri bola alatynymyzdy aitqan edi. Elbasy tapsyrmasynyń Maqtaral aýdany boiynsha oryndaýdyń birden bir joly ol aýdandaǵy egistiktiń 70%-yn alyp jatqan maqtanyń ónimdiligin ekologiialyq taza jolmen arttyrý. Sondyqtan da, búgingi ótken seminar-keńestiń maqsaty – maqta ónimdiligin ekologiialyq taza jolmen ósirý tehnologiiasyn saqtaý, maqta egistigin ziiankesterden himiialyq emes biologiialyq qorǵaý bolyp tabylady.
Maqtaral aýdany boiynsha aǵymdaǵy jyly agroqurylymdardy aýyl sharýashylyǵy daqyldaryn óńdeýge qajetti bioagenttermen qamtamasyz etý jáne taratylýyn uiymdastyrý, ziiankestermen kúres jumystarynyń sapasyn arttyrý jóninde aýdan ákiminiń orynbasary A.Mahanbetov sóz sóiledi. Sondai-aq, «Maqta daqylynyń ziiankesterine himiialyq jáne biologiialyq tásilmen kúres» taqyrybynda Qazaq ósimdik qorǵaý jáne karantin ǵylymi-zertteý institýtynyń ókili B.Kópjasarov, «Qazaqstanda maqta sharýashylyq salasynyń búgingi tańda damý joldary» taqyrybynda Qazaq maqta sharýashylyǵy ǵylymi-zertteý institýtynyń bas direktory Ibadýlla Úmbetaev baiandady.
«2013-2016 jyldar aralyǵynda QR Aýyl sharýashylyǵy ministrliginiń tikelei qoldaýymen 2013 jyly bioagentterdiń jáne biopreparattardyń qunyn arzandatýǵa alǵash ret 150 million teńge qarjy bólinip, 40 myń gektarǵa jýyq maqta alqaby biologiialyq ádispen óńdeldi. Nátijesinde maqta ónimdiligi oblysta rekordtyq kórsetkishke jetip 28 ts/ga qurasa, maqtanyń ordasy Maqtaralda 30ts/ga qurady. Bul biologiialyq tásilderdiń tiimdi ekenin kórsetedi» - deidi QR AShM AÓK MIK OQO aýmaqtyq inpektsiia basshysy N.Badyrakov.
Aita keteiik, seminar-keńeske aýmaqtyn inpektsiia men boljam ortalyǵynyń basshylary men mamandary, aýdandyq bólim basshylary men mamandary, aýyldyq okrýg ákimderi, jer mamandary, biofabrika, biolaboratoriia men agroqurylym basshylary qatysyp, maqta sharýashylyǵyna qatysty kóptegen aqparattarǵa qanyq boldy.
