Aýdan ákimi Q.Abdýaliev Saryaǵash qalasynyń móltek aýdanyndaǵy jáne Qurkeles aýyldyq okrýgindegi sport alańshalaryn saltanatty túrde tapsyrdy. Sport alańshasynyń ashylýyna oqýshylar sport súier qaýym qatysyp máz-meiram boldy. Ashylý saltanatyna aqsaqaldyń batasyn alyp, nysannyń lentasy qiyldy. Alǵashqy fýtboldy aýdan ákimi oqýshylarmen birge dop teýip bastap berdi, dep habarlaidy aýdan ákiminiń baspasóz qyzmeti.
Aýdan ákiminiń jastardy sportqa tartý jónindegi tapsyrmalaryna bailanysty kásipkerlerdiń demeýshiligimen 2016 jyly aýyl, eldi mekenderde 8 sport alańshalary salynyp tapsyrylǵan bolatyn. Ústimizdegi 2017 jyly aýdan basshysy arnaiy oqýshylardyń jazǵy demalys kezeńinde sportqa baýlý qajettigin eskerip jergilikti biýdjet esebinen 7 tiptik sport alańshalarynyń qurylysyn bastap, búgingi kúni tapsyrylý ústinde. Saryaǵash qalasynda 2 alańsha, Abai aýylynda 1 alańsha, Qurkeles aýyldyq okrýginde 2 alańsha, Derbisek aýylynda 1 alańsha, Jibek joly aýylynda 1 alańsha. Budan bólek demeýshiler esebinen jyl sońyna deiin 4 sporttyq alańshalar tapsyrylady.
Saryaǵashta sport alańshalary ashyldy
