30 sıyr, 30 buzaýdy baǵyp otyrǵan fermanyń ıesi qoldan jaıylym jasaý úshin sor basyp jatqan 5 gektar jerdi qalpyna keltirip, júgeri egipti. Bul óz kezeginde jem-shóp máselesin sheshedi dep otyr. Maqtaral aýdanynda jaıylym jer az bolǵandyqtan, sıyrlaryn Shardara aýdanyndaǵy jaıylymdarǵa jiberipti.
«Yrys» mıkro kredıttik uıymynan 2016 jyly 4 mıllıon teńge nesıe alyp, Almaty oblysyndaǵy sharýalardan kanadalyq «Golshtın» atty asyl tuqymdy 22 buzaý aldym. Asyl tuqymdy buzaýlar men jergilikti buzaýlardyń aıyrmashylyǵy jer men kókteı. Kanadalyq buzaýlardyń boıy da salmaǵy da áldeqaıda joǵary. Buzaýlar jetilgen soń jergilikti sıyrlarmen shatystyryp, jańa paroda jasamaqshymyn» - deıdi Dáýlet Qaljigitov.
«Golshtın» tuqymy AQSH pen Kanadada Golandıanyń qara-ala tuqymy arqyly shyqqan. Alǵashqy ýaqytta shyǵarýshy fermerler jańa tuqymnyń súttiligine jáne tiri salmaǵyna kóńil bólgen. Golshtın sıyrlarynyń ortasha tiri salmaǵy 670 kg-nan 700 kg-ǵa deıin, buqalarynyń salmaǵy 960 kg-nan 1200 kg-ǵa deıin barady eken. Dáýlet Qaljigitovtyń baǵyp otyrǵan buzaýlarynyń erkegi týylǵanda 44-47 kg-dy tartsa, urǵashylary 32-42 kg-ǵa jetken.
Dáýlet Qaljigitovtyń aıtýynsha, «Golshtın» parodasynyń adaptasıalyq qasıeti joǵary jáne aýa-raıyna tez beıimdeletin bolǵandyqtan, Maqtaral aýdanynyń ystyq aýa-raıy olardyń ósýine eshqandaı kedergi keltirmeıdi eken. «Tez jetilip, azyqty tez óteıtin maldyń birden bir máselesi – jep-shóp» - deıdi ol.
