Maqtaaraldaǵy qaiyrymdy is: munda múgedek balalardy ońaltý ortalyǵy bar
Osy tapsyrma aiasynda 2017 jyly aýdan boiynsha 107 balany kúndizgi qatynaý bólimshesine ótkizýdi josparlap, osy sharamen 77 balany qamtylǵan bolatyn. Al biylǵy meje — 160 balany kúndizgi qatynaý bólimshelerimen qamtý.
«Bul degenimiz aýdanymyzdaǵy eshbir múgedek bala eskerýsiz, qoldaýsyz, qamqorlyqsyz qalmaidy degen sóz. Sebebi, aýdanymyzdaǵy áleýmettik qyzmet kórsetý sapasy jyldan jylǵa jandanyp keledi. Oǵan dálel — osy ortalyqtyń ashylýy. Elbasymyz qashanda balalarǵa qamqorlyq jasap, memleket tarapynan kóptegen qoldaýlar bildirip keledi. Sondyqtan sizder úmitti aqtap, sabaqty jaqsy oqityndaryńyzǵa, úlgili de tártipti bala bop ósetinderińizge senimim mol. Endeshe, sizderdi merekemen quttyqtai otyryp, ortalyqty ashyq dep jariialaimyn!» — dedi Jamantai Qanaiuly.
Aýdanymyzdaǵy áleýmettik qyzmet kórsetý júiesin odan ári jańǵyrtý maqsatynda byltyrǵy jyly Jetisai qalasynan 25 múmkindigi shekteýli balaǵa arnalǵan múgedek balalardy ońaltý ortalyǵy ashylǵan bolatyn. Sol ortalyqta bir jylda 74 bala óz densaýlyǵyn ońaltýǵa múmkindik aldy. Mine, búgin jańadan ashylǵan «Asyqata múgedek balalardy ońaltý ortalyǵy» 25 múmkindigi shekteýli balaǵa tiisti qyzmetter kórsetetin bolady.
Aita keteiik, búginde Maqtaral aýdanynda 11946 múmkindigi shekteýli azamattar bar. Onyń 1832-si 18 jasqa deiingi balalar bop sanalady. Jyl basynan beri 421 múmkindigi shekteýli balaǵa aýdan ákimdigi tarapynan áleýmettik qoldaýlar kórsetildi. Sondai-aq, balalarǵa 100 áleýmettik qyzmetker bólingen.
Ońaltý ortalyǵynyń ashylý saltanatynan soń aýdan ákimi J.Beisenbaev Asyqata kentiniń mádeniet úiinde ótken qaiyrymdylyq is-sharasyna qatysty. Balalar kúnine orai uiymdastyrylǵan jiynda 86 áleýmettik turmysy tómen otbasyǵa aýdan ákiminiń uiytqy bolýymen tegin azyq-túlik úlestirildi.
