Iá, jastar úshin jaǵymdy jańalyq kóp. Páterden páter jaldap kóshpendiniń kúıin keshken stýdent jastar barshylyq.
Búginde óńirde 153 myń astam stýdent bilim alýda. 11 330 jataqhana ornyn qajet etedi, ıaǵnı, 28 jańa jataqhana qurylysyn salý qajet.
Onyń ishinde joǵary oqý oryndary stýdentteri úshin 7 800 oryndyq 17 jataqhana, al kolej stýdentterine 3530 oryndyq 11 jataqhanaǵa qajettilik bar. Búgingi kúni 9 kolejge jataqhana qurylysyna salý úshin jer 5 gektar jer bólinip otyr. Bul joba memlekettik-jekeshelik áriptestik aıasynda júzege asatyn bolady. Baspanaly bolý basty armany bolǵandarǵa da qýanyshty jańalyq bar.
Arman Sábıtov, oblystyq ekonomıka jáne búdjettik josparlaý basqarmasynyń basshysy: «Aǵymdaǵy jyly jeke qurylysshylarmen 104 kópqabatty turǵyn úı salynýda. Jyl sońynda jalpy alańy 121 myń sharshy metrdi quraıtyn 1454 páterli 3 turǵyn úı paıdalanýǵa beriledi. Olardyń baryǵy da «7-20-25» baǵdarlamasy boıynsha beriletin bolady. Búgingi kúnge 6 kópqabatty turǵyn úıdiń qurylysy aıaqtalyp, paıdalanýǵa berilýge daıyn. Aǵymdaǵy jyly 780 myń sharshy metrdi quraıtyn turǵyn úıdi paıdalanýǵa berýdi mejelep otyrmyz».
Osylaısha óńirde áleýmettik máseleler oń sheshimin tappaq. Áýelgi qadamdar bastalyp ta qoıdy. Endi nátıjesin kóretin kún de alys emes.
