Atyraýda ishinde adamdary bar lift qulady, dep habarlaidy dalanews.kz.
5 qazanda Qulmanov kóshesi, 1B mekenjaiynda ornalasqan "Grand Atyraý" turǵyn úi kesheniniń B blogynda lift úshinshi qabattan qulaǵan.
"Oqiǵa kezinde lift ishinde 4 adam bolǵan. Úsh turǵyn jedel járdem brigadasymen meditsinalyq tekseristen ótý úshin aýrýhanaǵa jetkizildi. Aldyn ala málimet boiynsha olardyń jaǵdaiy qanaǵattanarlyq. Bir turǵyn meditsinalyq kómekten bas tartty", - dep jazylǵan habarlamada.
Atyraý ákimi Daniiar Tahanov oqiǵa ornyna arnaiy baryp, jaǵdaidy óz kózimen kórip, turǵyndarmen jáne jaýapty qyzmet ókilderimen sóilesken.
Qala ákimi jaýapty qyzmetterge jaǵdaidy shuǵyl anyqtaýdy, sondai-aq, qaladaǵy barlyq lifttiń tehnikalyq jaǵdaiyna tolyq tekseris júrgizip, olardyń qaýipsizdik deńgeiin baǵalaýdy tapsyrǵan.
