الداعى ۋاقىتتا تۇركىستان وبلىسىندا جوعارعى وقۋ ورىندارى جانە ورتا ارناۋلى كاسىپتىك كوللەدج ستۋدەنتتەرىن جاتاقحانامەن قامتۋ ماسەلەسى شەشىمىن تاپپاق.

ءيا، جاستار ءۇشىن جاعىمدى جاڭالىق كوپ. پاتەردەن پاتەر جالداپ كوشپەندىنىڭ كۇيىن كەشكەن ستۋدەنت جاستار بارشىلىق.

بۇگىندە وڭىردە 153 مىڭ استام ستۋدەنت ءبىلىم الۋدا. 11 330 جاتاقحانا ورنىن قاجەت ەتەدى، ياعني، 28 جاڭا جاتاقحانا قۇرىلىسىن سالۋ قاجەت.

ونىڭ ىشىندە جوعارى وقۋ ورىندارى ستۋدەنتتەرى ءۇشىن 7 800 ورىندىق 17 جاتاقحانا، ال كوللەدج ستۋدەنتتەرىنە 3530 ورىندىق 11 جاتاقحاناعا قاجەتتىلىك بار. بۇگىنگى كۇنى 9 كوللەدجگە جاتاقحانا قۇرىلىسىنا سالۋ ءۇشىن جەر 5 گەكتار جەر ءبولىنىپ وتىر. بۇل جوبا مەملەكەتتىك-جەكەشەلىك ارىپتەستىك اياسىندا جۇزەگە اساتىن بولادى. باسپانالى بولۋ باستى ارمانى بولعاندارعا دا قۋانىشتى جاڭالىق بار.

ارمان ءسابيتوۆ، وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى: «اعىمداعى جىلى جەكە قۇرىلىسشىلارمەن 104 كوپقاباتتى تۇرعىن ءۇي سالىنۋدا. جىل سوڭىندا جالپى الاڭى 121 مىڭ شارشى مەتردى قۇرايتىن 1454 پاتەرلى 3 تۇرعىن ءۇي پايدالانۋعا بەرىلەدى. ولاردىڭ بارىعى دا «7-20-25» باعدارلاماسى بويىنشا بەرىلەتىن بولادى. بۇگىنگى كۇنگە 6 كوپقاباتتى تۇرعىن ءۇيدىڭ قۇرىلىسى اياقتالىپ، پايدالانۋعا بەرىلۋگە دايىن. اعىمداعى جىلى 780 مىڭ شارشى مەتردى قۇرايتىن تۇرعىن ءۇيدى پايدالانۋعا بەرۋدى مەجەلەپ وتىرمىز».

وسىلايشا وڭىردە الەۋمەتتىك ماسەلەلەر وڭ شەشىمىن تاپپاق. اۋەلگى قادامدار باستالىپ تا قويدى. ەندى ناتيجەسىن كورەتىن كۇن دە الىس ەمەس.