قىمبات جىلجىمايتىن مٷلٸك پەن كٶلٸك ساتىپ العانىمەن, رەسمي تابىس كٶزٸ جوق قازاقستاندىقتار سالىق ورگاندارىنىڭ نازارىنا ٸلٸگۋٸ مٷمكٸن. مۇنداي جاعدايدا ولاردان اقشانىڭ قايدان كەلگەنٸن تٷسٸندٸرۋ سۇرالادى. بۇل تۋرالى قارجى ۆيتسە-مينيسترٸ ەسەت تۇرىسوۆ مەلٸمدەدٸ, دەپ حابارلايدى dalanews.kz.
ونىڭ ايتۋىنشا, ەكٸ جىلعا جۋىق ۋاقىتتان بەرٸ جۇمىس ٸستەپ كەلە جاتقان Smart Data Finance جٷيەسٸ ازاماتتار مەن زاڭدى تۇلعالاردىڭ تسيفرلىق پروفيلدەرٸن پايدالانىپ, تٷرلٸ دەرەكتەردٸ تالداۋعا مٷمكٸندٸك بەرەدٸ.
«مىسالى, سوڭعى ەكٸ-ٷش جىلدا ٷي, پەتەر نەمەسە بەس-التى كٶلٸك ساتىپ الساڭىز, بٸراق تابىس كٶزٸڭٸز دە, جالاقىڭىز دا بولماسا, ەرينە, تيٸستٸ سۇراقتار تۋىندايدى», – دەدٸ ەسەت تۇرىسوۆ.
ۆيتسە-مينيستردٸڭ سٶزٸنشە, سالىق ورگاندارىنىڭ ازاماتتاردان تابىس كٶزٸن تٷسٸندٸرۋدٸ تالاپ ەتۋ قۇقىعى بۇرىننان بار. بۇل تالاپ سالىق كودەكسٸندە دە قاراستىرىلعان.
الايدا اقشانىڭ قايدان كەلگەنٸن راستاي الماعان ازاماتتارعا قانداي شارا قولدانىلاتىنى تۋرالى سۇراققا ەسەت تۇرىسوۆ ناقتى جاۋاپ بەرمەدٸ. ول بۇل مەسەلەنٸ مەملەكەتتٸك كٸرٸستەر كوميتەتٸنەن ناقتىلاۋعا كەڭەس بەردٸ.
