2025 jyldyń qorytyndysy boiynsha Qazaqstan aýasynyń lastaný deńgeii joǵary elderdiń qataryna endi. IQAir reitinginde elimiz 29-orynǵa turaqtady, dep habarlaidy dalanews.kz.
Zertteý derekterine sáikes, Qazaqstandaǵy PM2.5 usaq bólshekteriniń ortasha jyldyq kontsentratsiiasy tekshe metrine 23,4 mikrogramdy quraǵan. Bul kórsetkish bir jyl ishinde aitarlyqtai ósip, shamamen 55%-ǵa artqan. Máselen, 2024 jyly PM2.5 deńgeii 15,1 mkg/m³ bolǵan.
Ortalyq Aziia elderiniń ishinde jaǵdai Qazaqstannan da kúrdeli memleketter bar. Tájikstan álemdik reitingte 3-orynǵa jaiǵassa, Ózbekstan 10-orynnan, Qyrǵyzstan 19-orynnan kórindi.
Qazaqstandaǵy aýasy eń lastanǵan qalalardyń biri retinde Qaraǵandy ataldy. Onda PM2.5 bólshekteriniń kontsentratsiiasy tekshe metrine 72,6 mikrogramǵa jetken. Sonymen qatar joǵary kórsetkishter Almaty, Astana, Óskemen jáne Temirtaý qalalarynda da tirkelgen.
Sarapshylar aýa sapasynyń nasharlaýyna kólik quraldarynan shyǵatyn gazdar, kómir jaǵý, óndiristik jáne jergilikti shyǵaryndylar, sondai-aq topyraq pen shólden kóteriletin shań sebep bolyp otyrǵanyn aitady.
