Maqtaaralda aýyl sharýashylyǵy ónimin saýdalaityn logistikalyq ortalyq salynýda
Túrkistan oblysynyń ákimi Janseiit Túimebaev jumys saparymen Maqtaaral aýdanyna bardy. Óńir basshysy aldymen Iirjar aýyldyq okrýgi Naýryz aýylyndaǵy jańadan salynǵan N.Bekejanov atyndaǵy 200 oryndyq mekteptiń ashylýyna qatysyp, jergilikti jurtty jańa oqý jyly qarsańyndaǵy qýanyshty jańalyqpen quttyqtady.
– Túrkistan óńiri eń kóp halyq tyǵyz ornalasqan aimaq. Týý kórsetkishi de joǵary. Máselen, biyldyń ózinde oblys boiynsha birinshi synypqa 55 myńnan astam oqýshy keledi. Iaǵni, mektepke keletin oqýshy sany 19 myńǵa artqan. Demografiialyq ósimge bailanysty 2018-2025 jyldary aralyǵynda óńirde 184 mektep salý qajettiligi týyndap otyr. Biyl bilim berý salasyna qajetti 83 nysannyń qurylysy qolǵa alynǵan. Onyń 40-y jyl sońyna deiin paidalanýǵa beriledi. Mine, búgin de Maqtaaral aýdanynda jańa mektep ashylyp, aýyl oqýshylaryna esigin ashady, – dedi Janseiit Qanseiituly.
Keiin oblys ákimi Maqtaaral aýdanyndaǵy Azattyq aýylynda ornalasqan logistikalyq ortalyqqa aialdady. Agrarly aýdanda sharýalardyń ónimin saqtap, ári qarai satý úshin qolaily jaǵdai jasaý maqsatynda qolǵa alynǵan jobaǵa 9 gektar jer telimi qarastyrylǵan.
Ortalyqta jańa úlgidegi jemis-jidek saqtaý jáne ýaqytsha suryptaý qoimalary, muzdatqysh kamera men júk kólikterine arnalǵan turaqjai, tehnikalyq qyzmet kórsetý stansasyn salýǵa jalpy quny 1 milliard teńgege jýyq investitsiia tartý kózdelgen. Aldaǵy ýaqytta avtoparking, elektrondy tarazy, júk saqtaý qoimalary, turaqjai, qujattandyrý ortalyǵy, qonaq úi, ashana, saýda úii, avto jýý orny salynatyn bolady.
Túrkistan oblysy ákiminiń baspasóz qyzmeti
