Qoǵamnyń qaisybir salasy bolsa da damý protsesinde jańasha úderis, airyqsha sipatqa ie. Olai deitinimiz ótken ǵasyr ǵylymi-tehnikalyq jetilýdiń qadamyna jol ashsa, bul kezeń nanotehnologiialar men jańasha tájiribe, tyń izdenis jasaý isimen erekshelenedi.
Búginde ǵylymi betburys aýylsharýashylyq salasynan da shet qalmady. Oǵan dálel, 54 myńnan asa halqy, 1 675700 km2 jer aýmaǵy bar Túrkistan oblysyndaǵy Otyrar aýdany biyl ǵylymnyń arqasynda joǵary tabystarǵa qol jetkizip otyr.
Ejelden mal jáne egin sharýashylyǵymen dańqy shyqqan ólkeniń sońǵy shirek ǵasyrda sýarmaly jerleri tuzdanyp, ónim berýi tómendep ketkeni belgili.
Úkili úmitke senim artyp, aýylsharýashylyq salasyndaǵy salmaǵy aýyr bul istiń oń sheshilýine barynsha zeiin qoiǵan aýdan basshylyǵy biylǵy jańbyrdyń azdyǵyna qaramai jyldaǵy ónimnen rekordtyq kórsetkishke qol jetkizgenin qýanyshpen habarlady.
Máselen, byltyrǵy jyly júgeri daqylynyń kólemi 8500 gektar bolsa, biyl 10050 gektarǵa artqan. Jer-ananyń 4000 gektaryna tereń qopsytý tehnologiiasy qoldanyla otyryp, nátijesinde úsh ret sýǵarylýy tiis júgeri alqaptaryna eki ret qana sý jiberilý arqyly aǵyn sý únemdelgen.
Atalǵan institýt ǵalymdary óńdegen 3700 gektardyń ár gektarynan alynatyn ónim 150 tsentnerge jetip, ónimniń eki ese kóp jinalýda.
Qazirgi tańda, sharýalar bul bastamanyń zaman talabyna sai daiyndalýy men túrli qyrlaryn eksheý ústinde. Demek, jái ǵana qaýynqaq ataýymen tanys ónim tyń jańalyǵymen qaita jańǵyrýy da bek múmkin.
Otyrar aýdanynda mal basynyń artqany da baiqalady. Jyldaǵy eseptik kórsetkishpen salystyrǵanda siyr 105, jylqy 111, qoi 112, túie 103 paiyzǵa kóbeigen. Sondai-aq, «Sybaǵa» – 101, «Qulan» – 104, «Altyn asyq» – 106 paiyzǵa ósip, memlekettik baǵdarlama tolyǵymen júzege asyrylyp, nátijesinde mal sharýashylyǵymen ainalysýshy mamandar kóptegen igi qadamdarǵa jol ashty.
Oblys ákimi Janseiit Túimebaevtyń bastamasymen Túrkistan oblysynda qolǵa alynǵan «CAMEL RANCH» baǵdarlamasyna Otyrar aýdany da atsalysýda.
Otyrar aýdanynyń ákimi Erlan Aitahanov aimaqtaǵy mal jáne aýylsharýashylyq nysandaryn kezekti ret aralap, sharýalar jaiyn osylaisha naqtylady.
Otyrar aýdany ákiminiń baspasóz qyzmeti
