Quzylqum aýyldyq okrýgine qarasty Aqtóbe eldi mekenindegi bilim uıasynyń ashylý saltanatyna Túrkistan oblysynyń ákimi Janseıit Túımebaev qatysty.
Ata-analar men oqýshylardyń qýanyshymen bólisken oblys basshysy aldaǵy jyly óńirde 40-qa jýyq bilim uıasynyń qurylysy bastalatynyn aıtty.
– Mundaı mektepterdiń qatary jyl sanap arta túsetin bolady. Bul Elbasynyń Túrkistan oblysynyń halqyna degen erekshe qoldaýynyń arqasynda iske asyp jatqanyn umytpaýymyz kerek. Sondyqtan osyndaı zamanaýı mektepterdegi bilim sapasy da joǵary bolýy tıis, – dedi Janseıit Qanseıituly.
Qurylysy 2017 jyldyń tamyz aıynda bastalǵan bilim uıasynyń jalpy smetalyq quny – 819 mln 541 myń teńgeni quraıdy. Onyń 737 mln teńgesi respýblıkalyq, al 81 mln teńgesi oblystyq búdjet esebinen bólingen.
Qurylys jumystaryn jergilikti «Nurli-L-Jetisaı» JSHS-gi júrgizip, 9 aıda sapaly ári sándi etip aıaqtap otyr. Ǵımarattyń jalpy aýdany 6936,39 tekshe metr. Zaman talabyna saı salynǵan ǵımaratta oqýshylar ashanasy, 150 oryndyq májilis jáne sport zaldary bar. Oqý bólmeleri de jabdyqtalǵan.
Túrkistan oblysy ákiminiń baspasóz qyzmeti
