Eń áýeli, Úkimet basshysy Altai qalasynyń aýdanaralyq aýrýhanasynyń insýlttik jáne kardio ortalyqtarynyń jumysyn baqylady. Sońǵy birneshe jyl ishinde atalmysh aýrýhana zamanaýi meditsinalyq ortalyqqa ainalǵany belgili. Emdeý nysandaǵy meditsina qyzmetkerleri insýlt, júrek jáne basqa da qatar júretin aýrýlarmen tiimdi kúresip keledi. Aýrýhanany modernizatsiialaý Shyǵys Qazaqstan oblysynyń ákimi Danial Ahmetovtiń bastamasymen júzege asqanyn aita ketýimiz kerek. Bul úshin oblystyq biýdjetten qajetti qarajattar ýaqytynda bólinip keledi.
Aýrýhana ǵimarattarynyń bir qabatynda insýlt ortalyǵy jumys isteidi. Ony jabdyqtaýǵa 600 millionǵa jýyq teńge bólingen. Jalpy, ortalyqty qurýǵa shamamen 800 million teńge jumsalǵany belgili.
Ortalyq jylyna 400-den astam patsientke qyzmet kórsetetin múmkindikke ie. Osylaisha ortalyq Shyǵystaǵy úsh birdei aýdannyń (Altai, Kúrshim jáne Katonqaraǵai) halqyna qyzmet kórsetip, adam ómirin saqtap otyrǵan jai bar.
Búginde jergilikti perzenthana da jańartylyp, iske qosylǵan. Ótken jyly perzenthanaǵa quny 350 million teńgeniń jańa jabdyqtary satyp alynǵan bolatyn. Eýropanyń jetekshi meditsinalyq ortalyqtarynda qaita daiarlaýdan ótken perzenthana dárigerleri shala týylǵan sábilerdi ómirin saqtap qalýda tiimdi jumystar atqaryp keledi.
Sonymen qatar, Asqar Mamin óńirge jasaǵan jumys saparynda Óskemen qalasyndaǵy oblystyq balalar aýrýhanasyna baryp, onda reanimatsiialyq jáne operatsiialyq bloktardyń jumysymen tanysty. Munda mamandar Úkimet basshysyna COVID-19 indetine shaldyqqandardy immýndyq plazma arqyly emdeýge qatysty ǵylymi joba jaiynda keńinen áńgimelep berdi.
Ótken jyldyń aiaǵynda ashylǵan balalar aýrýhanasy 200 orynǵa arnalǵan, onda bir mezette naýqastardy emdep, reabilitatsiiadan ótkizetin bolady. Ozyq zamanaýi qondyrǵylarmen jabdyqtalǵan meditsinalyq nysan balalar aýrýyn bastapqy kezde anyqtaýǵa múmkindik beretinimen de erekshelenedi.
Shyǵys Qazaqstanda meditsinalyq kadrlardy daiarlaýdyń aimaqtyq baǵdarlamasyna sáikes, úsh jyl ishinde oblystyń 9 myńǵa jýyq dárigeri qaita daiarlaýdan ótetin bolatyn. Buǵan biýdjetten 3,5 mlrd teńge qarjy bólingen. Sondai-aq, ShQO dárigerleri Italiia, Resei, Izrail, Ulybritaniia, Koreia, Ýkraina jáne Litvadaǵy dárigerlerdiń sheberlik sabaqtaryna qatysyp, kásibi biliktilikterin barynsha kótergenin aita ketýimiz kerek.
Ásem JYLQYShIEVA, Shyǵys Qazaqstan oblysy.
