Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

«Nur Otan» tasqynnan zardap shekken Myrzakent turǵyndaryna 20 úi salady

Dalanews
«Nur Otan» tasqynnan zardap shekken Myrzakent turǵyndaryna 20 úi salady
Maqtaaral aýdanyna «Nur Otan» partiiasy tóraǵasynyń birinshi orynbasary Baýyrjan Baibek jumys saparymen keldi.  Elbasy, partiia lideri Nursultan Nazarbaevtyń tapsyrmasymen kelgen ol aldymen sý astynda qalǵan aýyldardy aralap, apat saldaryn joiý baǵytyndaǵy jumystarmen tanysyp shyqty. Túrkistan oblysy ákimi Ómirzaq Shókeevpen birge Maqtaaral aýdanyndaǵy apatqa bailanysty qurylǵan jedel shtabtyń otyrysyna qatysyp, jumys barysyn baǵdarlady. Apat saldaryn joiý barysynda óńir basshysynyń jemisti jumys atqaryp jatqanyn da atap ótti.

Osy kúni úileri sý astynda qalǵan Dostyq, Jeńis, Firdoýsi, Jańaturmys jáne Órgebas aýyldarynyń turǵyndarymen kezdesti. Olardyń muń-muqtajdaryn tyńdady. Bul aýmaqtarda tótenshe jaǵdaidyń kesirinen myńnan astam úi buzylyp, 8 myń gektar egis alqabyn sý basqan.

Turǵyndarǵa El Prezidenti Qasym-Jomart Toqaevtyń tapsyrmasymen memlekettik deńgeide qoldaý kórsetilip jatyr. Sý tasqynynan zardap shekken turǵyndar tolyqtai qaita jóndeýden ótedi nemese jańa salynǵan úilermen qamtamasyz etiledi. Sý basqan aimaqtaǵy árbir adam respýblika biýdjetinen 100 myń teńge alady. Áleýmettik nysandardy, injenerlik jeliler men joldardy qalpyna keltirýge tiisti qarjy qarastyrylǵan. Óńir basshysynyń tikelei qadaǵalaýymen qurylys, aýyldardy sýdan tazartý jumystary júrip jatyr..

Myrzakent mańynda boi kóterip jatqan jańa shaǵynaýdanǵa barǵan B.Baibek turǵyndarǵa «Nur Otan» partiiasynan qoldaý kórsetilip jatqanyn jáne ol igi is jalǵasyn tabatynyn jetkizdi.

– Memleket basshysynyń úndeýine qoldaý bildirgen qazaqstandyq kásipkerler de 5 mlrd teńgeden astam qarajat aýdardy. Bul ortaq iske «Nur Otan» partiiasy da qyzý atsalysyp jatyr. Partiia ókilderi maqtaaraldyqtarǵa qomaqty gýmanitarlyq kómek joldap keledi. Elbasynyń bastamasy boiynsha qurylǵan «Birgemiz» qory arqyly partiianyń úilestirýimen qosymsha kómek kórsetiledi. Osyǵan orai qordyń Qamqorshylyq keńesi Myrzakent eldi mekenine 20 úi turǵyzý úshin 340 mln teńge bólý týraly sheshim qabyldady. Osylaisha Dostyq aýyly turǵyndarynyń baspana máselesi tolyqtai sheshiledi, – degen ol sol úilerdiń irgetasyn qalaý rásimien qatysty. 


«Nur Otan» partiiasynyń tikelei qoldaýymen 100 sharshy metrdi quraityn 4 bólmeli úiler salynady. Jumys sapasy avtorlyq jáne tehnikalyq baqylaý salasyndaǵy mamandardyń jáne partiianyń baqylaýda bolady.

Partiia tóraǵasynyń birinshi orynbasary Atakent aýylynda volonterlarmen kezdesti. Volonterliktiń qazaqtyń asar atty ádemi bastamasymen úndes ekenine toqtalǵan Baýyrjan Qydyrǵaliuly eriktilermen erkin pikir almasyp, suraqtaryna jaýap berdi. Maqtaaraldaǵy apatqa bailanysty jasaqtalǵan ortalyq qoimanyń jumysymen tanysty.

Ótken jyly «Jas Otan» jastar qanatynyń 700-den astam ókili birneshe ai boiy Arys qalasyn qalpyna keltirý jumystaryna belsene atsalysqan bolatyn. Qazirgi tańda olar «Nur Otan» eriktiler qatarynda maqtaaraldyqtarǵa kómektesip jatyr.

«Nur Otan» partiiasy Túrkistan oblystyq filialynyń baspasóz qyzmeti
Nur Otan Ómirzaq Shókeev jeńis Dostyq Baýyrjan Baibek biýdjet Qasym-Jomart Toqaev Maqtaaral aýdany Jańaturmys Firdoýsi Órgebas Madina Sádýaqasova

Oqi otyryńyz